Erlent

Minnst 27 sentímetra hækkun sjávarmáls óumflýjanleg

Ellen Geirsdóttir Håkansson skrifar
Þyrla flýgur yfir jökul á Grænlandi. Mynd tengistt frétt ekki beint.
Þyrla flýgur yfir jökul á Grænlandi. Mynd tengistt frétt ekki beint. EPA/MICHAEL KAPPELER / POOL

Búist er við 27 sentímetra hækkun á sjávarmáli að lágmarki vegna yfirvofandi bráðnunar jökulhetta á Grænlandi í kjölfar frekari hlýnunar jarðar. Þessi hækkun er sögð ekki taka til greina bráðnun annarsstaðar í heiminum en sú frá Grænlandi myndi ein valda fyrrnefndri hækkun enda um mikið magn íss að ræða eða 110 billjón tonn.

Guardian greinir frá því að möguleiki sé á því að hækkun sjávarmáls verði margir metrar næstu áratugina en þó notkun jarðefnaeldsneyta yrði hætt á stundinni væri bráðnun jökulhetta á Grænlandi óumflýjanleg. 

Nýja rannsóknin sem um ræðir varpi ljósi á það að fyrrnefnd 27 sentímetra lágmarkshækkun sé væntanleg en hvort hún komi innan 100 ára fremur en 150 ára sé óvíst.

Þessar spár séu byggðar á núverandi stöðu hnattrænnar hlýnunar en einhverjir hafi áhyggjur af því að hin mikla bráðnun jökulhetta sem átti sér stað á Grænlandi árið 2012 endurtaki sig. Gerist það muni hækkun sjávarmáls verða töluvert meiri en 27 sentímetrar, þá verði óumflýjanlega hækkunin 78 sentímetrar.

Umhverfismál Grænland Loftslagsmál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið