Innlent

Sósíalistar hástökkvarar í nýrri könnun

Sunna Sæmundsdóttir skrifar
Gunnar Smári Egilsson er formaður framkvæmdastjórnar Sósíalistaflokksins. Fylgi flokksins hækkar mest á milli kannana Maskínu.
Gunnar Smári Egilsson er formaður framkvæmdastjórnar Sósíalistaflokksins. Fylgi flokksins hækkar mest á milli kannana Maskínu. Vísir/Vilhelm

Fylgi Sósíalista hefur nær aldrei mælst hærra og hækkar mesta allra flokka í nýrri könnun Maskínu. Í júlí mældist flokkurinn með um fimm prósenta fylgi en nú með 7,3 prósent. Flokkurinn hefur hæst farið í 7,6 prósent í könnun Maskínu í desember í fyrra.

Fylgi Samfylkingar er einnig á uppleið, hækkar um tvö prósent og stendur í þrettán prósentum. Fylgi Sjálfstæðisflokksins dalar aftur á móti um þrjú og hálft prósent og mælist tæplega 21 prósent. 

Flokkur fólksins og Miðflokkurinn lækka einnig. Flokkur fólksins mældist með tæp sjö prósent í júlí en nú með 4,6 prósent. Miðflokkurinn fer úr sex prósentum í fjögur og hálft prósent.

Fylgi Framsóknar, Pírata og Viðreisnar hækka lítillega. Framsókn mæist nú með 19,6 prósent, Píratar með tæp fjórtán prósent og Viðreisn tæp níu.

Vinstri Græn standa nokkurn veginn í stað og mælist fylgið nú 7,5 prósent - eða svipað og fylgi Sósíalista.

Könnun Maskínu var gerð dagana 12. til 17. ágúst og 890 tóku þátt.

Skoðanakannanir Alþingi Sósíalistaflokkurinn
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið