Innlent

Þyrlan kölluð út þegar eldur kom upp í togbáti úti fyrir Patreksfirði

Hallgerður Kolbrún E. Jónsdóttir skrifar
Þyrla Landhelgisgæslunnar var send vestur með slökkviliðsmönnum úr höfuðborginni til að aðstoða áhöfn togbátsins.
Þyrla Landhelgisgæslunnar var send vestur með slökkviliðsmönnum úr höfuðborginni til að aðstoða áhöfn togbátsins. Vísir/Vilhelm

Þyrlusveit Landhelgisgæslunnar og sjóbjörgunarsveitir Slysavarnafélagsins Landsbjargar á Vestfjörðum voru kallaðar út í kvöld þegar eldur kom upp í vélarrúmi togbáts sem var staddur úti fyrir Patreksfirði.

Þetta segir í tilkynningu frá Landhelgisgæslunni. Áhöfn togbátsins hafði samband við stjórnstöð Landhelgisgæslunnar laust fyrir klukkan hálf tíu í kvöld og var áhöfn þyrlunnar þegar kölluð út ásamt slökkviliðsmönnum frá höfuðborgarsvæðinu sem fóru vestur með þyrlunni. 

Fram kemur í tilkynningu að tíu voru um borð í togbátnum. Áhöfninni hafi tekist að loka vélarrúminu og rúmum hálftíma eftir að aðstoðarbeiðni barst var búið að reykræsta bátinn.

Þyrla Gæslunnar hafi þá snúið við en björgunarbátur Landsbjargar hélt áleiðis að togbátnum og er væntanlegt að honum klukkan ellefu. Hann mun fylgja togbátnum til hafnar. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×