Fótbolti

Hlín og Arna Sif valdar í lands­liðið en Karó­lína Lea verður ekki með

Óskar Ófeigur Jónsson skrifar
Karólína Lea Vilhjálmsdóttir verður ekki með íslenska landsliðinu í næsta mánuði.
Karólína Lea Vilhjálmsdóttir verður ekki með íslenska landsliðinu í næsta mánuði. Vísir/Vilhelm

Íslenska landsliðið verður án eins síns besta leikmanns í leikjunum mikilvægu í undankeppni HM því Karólína Lea Vilhjálmsdóttir er meidd og verður ekki með að þessu sinni.

Þorsteinn Halldórsson, landsliðsþjálfari kvenna í fótbolta, hefur valið hópinn sinn fyrir tvo síðustu leiki íslenska liðsins í riðli sínum í undankeppni HM en þeir fara fram í byrjun næsta mánaðar.

Íslenska liðið á enn góða möguleika á að komast beint á heimsmeistaramótið sem fer fram í Ástralíu og Nýja-Sjálandi á næsta ári. Stelpurnar okkar eru öruggar með sæti í umspili en þurfa að vinna Hvíta-Rússland og hagstæð úrslit á móti Hollandi á útivelli til að tryggja sér sigur í riðlinum og beint sæti á HM 2023.

Holland er með tveggja stiga forystu á Ísland en hefur leikið leik meira og á bara eftir innbyrðis leikinn við Ísland. Íslensku stelpurnar komast því á toppinn með sigri á Hvíta-Rússlandi og myndi þá nægja jafntefli í lokaleiknum í Hollandi.

Þetta er fyrsta verkefni íslenska landsliðsins frá Evrópumótinu í Englandi þar sem íslenska liðið tapaði ekki leik.

Hallbera Guðný Gísladóttir setti fótboltaskóna upp á hilluna eftir Evrópumótið og er því skiljanlega ekki í hópnum nú. Þorsteinn gerir þrjár aðrar breytingar á EM-hópnum.

Karólína Lea Vilhjálmsdóttir er meidd og ekki í hópnum. Það er mikið áfall fyrir liðið enda var þessi unga knattspyrnukona að spila frábærlega á EM.

Arna Sif Ásgrímsdóttir og Hlín Eiríksdóttir koma báðar inn í hópinn með mikil umræða var um það hvort að þær hefðu átt að fara með á EM eftir góða frammistöðu í sumar.

Markverðirnir Cecilía Rán Rúnarsdóttir og Telma Ívarsdóttir eru meiddar og í stað þeirra eru þær Auður Sveinbjörnsdóttir Scheving og Íris Dögg Gunnarsdóttir í hópnum sem báðar komu inn í hann á miðju EM.

  • Hópurinn
  • Sandra Sigurðardóttir - Valur - 45 leikir
  • Auður Sveinbjörnsdóttir Scheving - ÍBV
  • Íris Dögg Gunnarsdóttir - Þróttur R.
  • Varnarmenn:

  • Elísa Viðarsdóttir - Valur - 48 leikir
  • Guðný Árnadóttir - AC Milan - 16 leikir
  • Glódís Perla Viggósdóttir - Bayern Munchen - 105 leikir, 6 mörk
  • Ingibjörg Sigurðardóttir - Valerenga - 46 leikir
  • Guðrún Arnardóttir - FC Rosengard - 21 leikur, 1 mark
  • Arna Sif Ásgrímsdóttir - Valur - 12 leikir, 1 mark
  • Sif Atladóttir - Selfoss - 90 leikir
  • Áslaug Munda Gunnlaugsdóttir - Breiðablik - 8 leikir
  • Miðjumenn:

  • Dagný Brynjarsdóttir - West Ham - 105 leikir, 35 mörk
  • Gunnhildur Yrsa Jónsdóttir - Orlando Pride - 93 leikir, 14 mörk
  • Alexandra Jóhannsdóttir - Eintracht Frankfurt - 26 leikir, 3 mörk
  • Sara Björk Gunnarsdóttir - Juventus - 142 leikir, 22 mörk
  • Selma Sól Magnúsdóttir - Rosenborg - 18 leikir, 2 mörk
  • Sóknarmenn:

  • Berglind Björg Þorvaldsdóttir - SK Brann - 66 leikir, 12 mörk
  • Agla María Albertsdóttir - Breiðablik - 50 leikir, 4 mörk
  • Sveindís Jane Jónsdóttir - VfL Wolfsburg - 22 leikir, 7 mörk
  • Svava Rós Guðmundsdóttir - SK Brann - 39 leikir, 2 mörk
  • Amanda Jacobsen Andradóttir - Kristianstads DFF - 7 leikir
  • Elín Metta Jensen - Valur - 60 leikir, 16 mörk
  • Hlín Eiríksdóttir - Pitea IF - 20 leikir, 3 mörk



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.