Erik ten Hag refsaði leikmanni fyrir óstundvísi

Ekki kemur fram í fréttinni um hvaða leikmann er að ræða en þar segir að Hollendurinn harðskeytti hafi ætlað honum hlutverk í leiknum þar sem hann hafi staðið sig vel á æfingum í aðdraganda leiksins. 

Erik ten Hag hafi hins vegar látið leikmannin vita það sem skýrum hætti að óstundvísi væri ekki liðinn á meðan hann væri við stjórn hjá liðinu. Talið er um sé að ræða argentínska ungstirnið Alejandro Garnacho.

Knattspyrnustjórinn hefur sett skýrar reglur um hvernig leikmenn eigi að haga sér á æfingasvæðinu og í kringum verkefni með liðinu. Þá hefur hann sett strangar reglur um næringu og lagt bann við áfengisneyslu á meðan á keppnistímabilinu stendur. 

David de Gea, Diogo Dalot, Donny van de Beek og Bruno Fernandes hafa látið ánægju sína í ljós opinberlega síðustu dagana um vinnuaðferðir Erik ten Hag og þann aga sem stjórinn hefur innleitt við æfingar og keppni hjá liðinu síðan hann tók við í upphafi sumars.