Martial nýtur sín vel undir stjórn Erik ten Hag

Það voru Ant­hony Martial, Marcus Rash­ford og Jadon Sancho sem skoruðu mörk Manchester United í leiknum en Joel Ward klóraði í bakkann fyrir Crystal Palace. 

Martial er að finna sig vel undir stjórn Erik ten Hag en franski framherjinn hefur verið á skotskónum í öllum þremur æfingaleikjum Manchester United í sumar.  

Erik ten Hag hefur borið sigurorð í fyrstu þremur leikjum sínum við stjórnvölinn hjá Manchester United en liðið lagði Liverpool að velli 4-0 í Bangkok í Taílandi og svo Melbourne Victory með fjórum mörkum gegn einu.  

Mörkin úr leik Manchester United og Crystal Palace sem fram fór í dag má sjá hér að neðan.

Athygli vakti að hluti stuðningsmanna Manchester United sem lögðu leið sína á leikinn bauluðu á Harry Maguire sem var fyrirliði liðsins í leiknum.