Erlent

Hafa náð að standa af sér árásirnar hingað til

Bjarki Sigurðsson skrifar
Rússar hafa skotið á Slóvíansk í um það bil tvær vikur og virðast ekki ætla að hætta.
Rússar hafa skotið á Slóvíansk í um það bil tvær vikur og virðast ekki ætla að hætta. Getty/Narciso Contreras

Úkraínski herinn hefur náð að standa af sér árásir Rússa á borgina Slóvíansk í austurhluta Úkraínu. Rússar hafa skotið á borgina í um það bil tvær vikur segir Vadym Lyakh, borgarstjóri Slóvíansk.

„Óvinurinn er að reyna að bæta taktíska stöðu sína. Þeir komust nær, áður en hermenn okkar ýttu þeim til baka,“ segir í stöðuuppfærslu frá úkraínska hernum.

Í uppfærslunni segir einnig að Rússar reyni nú að ná völdum í tveimur bæjum sunnan Slóvíansk, nálægt borginni Kramatorsk. Þá reyni þeir að ná vegi sem tengir saman Lúhansk og Dónetsk.

Lavrov mættur til Balí

Sergei Lavrov, utanríkisráðherra Rússlands, er staddur á Balí þessa stundina að ræða við utanríkisráðherra G20-ríkjanna. Þetta verður í fyrsta sinn sem Lavrov hittir kollega sína frá Vesturlöndum síðan stríðið hófst.

Annalena Baerbock, utanríkisráðherra Þýskalands, hefur sagt að fundurinn verði ekki tækifæri fyrir Rússa að réttlæta stríðsátök sín. Baerbock hefur neitað að funda með í einrúmi með Lavrov, líkt og Antony Blinken, utanríkisráðherra Bandaríkjanna.

Hernaður Úkraína Innrás Rússa í Úkraínu Rússland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið