Lífið

Draugurinn í briminu í Reynisfjöru

Ása Ninna Pétursdóttir og Tinni Sveinsson skrifa
Hin miklu öfl Reynisfjöru hafa í gegnum tíðina vakið bæði aðdáun og ótta fólks en á síðastliðnum árum hafa alls fimm látist af slysförum í fjörunni. 
Hin miklu öfl Reynisfjöru hafa í gegnum tíðina vakið bæði aðdáun og ótta fólks en á síðastliðnum árum hafa alls fimm látist af slysförum í fjörunni.  Vísir/Vilhelm Gunnarsson

Vilhelm Gunnarsson, ljósmyndari Vísis, tók á dögunum þessa mögnuðu mynd af briminu í Reynisfjöru. Í mestu látunum, þegar brimið barði á ströndinni, birtist andlit í því miðju.

Náttúran tekur á sig mynd

Stórbrotin náttúra okkar getur tekið á sig ólíkar og oft á tíðum dramantískar myndir og áhugavert að sjá hve mismunandi augu fólks lesa úr formum náttúruaflanna.

Meðan einhverjir sjá sjó, fjöll eða eldgos sjá aðrir draug, djöfla eða ljóslifandi dreka. 

Hér fyrir neðan má sjá fleiri myndir þar sem bæði dulir og dramantískir svipir náttúrunnar eru fangaðir. 

Drekinn

Þessi ljósmynd Vilhelms var valin Mynd ársins af Blaðaljósmyndarafélagi Íslands árið 2021 en myndin er tekin á dróna í eldgosinu í Fagradalsfjalli. 

Sérðu drekann? 

Eldgosið í Geldingadölum við Fagradalsfjall var fyrsta eldgosið á Íslandi sem drónar voru komnir í almenningseign og var sú tækni nýtt til hins ýtrasta hjá mörgum.Vísir/Vilhelm

Djöfullinn 

Við upphaf eldgossins í Fagradalsfjalli náði Vilhelm þessarri mynd þar sem sjá má andlit í glóandi hrauninu.

Sérðu djöfulinn? 

Djöfsi liggur í glóandi hrauninu við Fagradalsfjall.Vísir/Vilhelm

Andlit eldgossins

Önnur eftirminnileg mynd úr náttúrunni birtist hér á Vísi 16. apríl 2010. Hún var tekin með sérstakri myndavél um borð í vél Landhelgisgæslunnar, TF-SIF. Myndin sýnir þrjú gosop eldgossins í Eyjafjallajökli. Þau eru 200 til 500 metrar í þvermál.

Myndin minnir óneitanlega á andlit einhverskonar forynju sem hefur brotið sér leið úr iðrum jarðar til að spúa eldi og brennisteini út í andrúmslofið. Afleiðingarnar voru mestu samgönguraskanir í Evrópu á friðartímum.

Þessi forynja spúði gosösku yfir hálfa Evrópu í apríl árið 2010.Landhelgisgæslan
Ljósmyndun Reynisfjara Eldgos í Fagradalsfjalli Eldgos og jarðhræringar

Tengdar fréttir

RAX: „Það er eins og kölski sé að horfa beint á okkur“

„Alltaf þegar ég er að fljúga þá er ég alltaf að leita að allskonar fígúrum, formum og andlitum. Ég bjóst nú reyndar ekki við því í Holuhrauni þegar ég fór þangað að sjá einhver andlit.“ Þetta segir Ragnar Axelson um reynslu sína þegar hann myndaði gosið í Holuhrauni árið 2014.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.