Innlent

Óþol í garð á­taka­stjórn­mála hafi greitt veg Fram­sóknar

Árni Sæberg skrifar
Eiríkur Bergmann Einarsson ræddi úrslit sveitarstjórnarkosninga í fréttatíma Stöðvar 2 í kvöld.
Eiríkur Bergmann Einarsson ræddi úrslit sveitarstjórnarkosninga í fréttatíma Stöðvar 2 í kvöld. Skjáskot

Prófessor í stjórnmálafræði segir óþol í garð þeirra átakastjórnmála sem einkennt hafa íslenska pólitík síðan eftir hrun hafa greitt veg Framsóknarflokksins.

Eiríkur Bergmann Einarsson, prófessor í stjórnmálafræði við Háskólann á Bifröst, segir að eitt það merkilegasta við nýyfirstaðnar sveitarstjórnarkosningar sé áframhaldandi framganga Framsóknarflokksins.

„Það hefur orðið ákveðið óþol í garð átakastjórnmála. Stjórnmál á Íslandi urðu eftir hrun og þar til bara fyrir nokkrum árum harðneskjuleg, og hreinlega rætin. Framsóknarflokkurinn hefur stillt sér upp í ákveðinni andstöðu við þetta, talað fyrir hófsemd og virðingu fyrir andstæðum sjónarmiðum og svo framvegis,“ segir hann en bendir þó á að þetta hafi verið reynt áður en að Bjartri framtíð hafi ekki orðið úr því kápan úr klæðinu.

Þá segir Eiríkur að áhugavert sé hversu vel Framsókn gekk vel á höfuðborgarsvæðinu sem hafi ávallt reynst flokknum erfitt.

Eiríkur bergmann ræddi niðurstöður kosninganna og mögulega meirihlutamyndun í Reykjavík í setti í kvöldfréttum Stöðvar 2 í kvöld. Sjá má innslagið í spilaranum hér að neðan:



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×