Lögreglan lýsir eftir manninum sem strauk úr héraðsdómi

Að því er kemur fram í tilkynningu frá lögreglunni er Gabríel 192 sentímetrar á hæð, með brún augu og um 85 kíló að þyngd. Hann er klæddur í hvíta hettupeysu, gallabuxur og hvíta skó. 

Lögregla biðlar til þeirra sem geta gefið upplýsingar um ferðir Gabríels eða vita hvar hann er niðurkominn að hafa tafarlaust samband við 112. 

Þá er Gabríel sjálfur hvattur til að gefa sig strax fram. 

Greint var frá því fyrr í kvöld að gæsluvarðhaldsfangi hafði sloppið úr haldi lögreglu við aðalmeðferð í máli hans í dag. Samkvæmt heimildum fréttastofu tengist málið meðal annars árás í Borgarholtsskóla í janúar í fyrra.