Innlent

Björgunar­sveita­fólk fylgdi sjúkra­bíl í hvass­viðri

Árni Sæberg skrifar
Vegum var lokað víða á Suðurlandi í dag.
Vegum var lokað víða á Suðurlandi í dag. Landsbjörg

Mikið hvassviðri og skafrenningur gekk yfir Suðurlandið í morgun í snörpum hvelli. Björgunarsveitafólk hafði í nægu að snúast, meðal annars fylgdi það sjúkrabíl í útkall vegna veikinda.

Að sögn Davíðs Más Bjarnasonar, upplýsingafulltrúa Landsbjargar fylgi hvellinum töluvert af aðstoðarbeiðnum. Björgunarsveitafólk kom starfsfólki heilbrigðisstofnana til aðstoðar við að komast til vinnu og fylgdi sjúkrabíl í útkall vegna veikinda.

Þá kom björgunarsveitafólk ríflega tuttugu manns tail aðstoðar vegna ófærðar. Í einhverjum tilfellum var hægt að losa fasta bíla en öðrum farþegum var komið í skjól og bílar skildir eftir.

Fólk er áfram beðið um að fara varlega og bíða með óþarfa ferðalög en veður virðist þá hafa tekið að ganga niður upp úr klukkan 11.

Veður Björgunarsveitir

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið