Handbolti

EM-ævin­týrið í Pall­borðinu: Spá okkur í undan­úr­slitin

Stefán Árni Pálsson skrifar
Landsliðsmennirnir fyrrverandi Gunnar Steinn Jónsson og Ásgeir Örn Hallgrímsson mæta í Pallborðið ásamt Guðjóni Guðmundssyni.
Landsliðsmennirnir fyrrverandi Gunnar Steinn Jónsson og Ásgeir Örn Hallgrímsson mæta í Pallborðið ásamt Guðjóni Guðmundssyni.

Það má fastlega gera ráð fyrir því að þjóðin verði límd við skjáinn frá 14:30 í dag þegar Ísland leikir lokaleik sinn í milliriðlinum á Evrópumótinu í handbolta. Ísland mætir Svartfjallalandi í Búdapest og gæti liðið komist í undanúrslitin.

Til þess þarf Ísland að vinna leikinn og treysta á að Danir vinni Frakka í kvöld. Ekki útilokað en það þarf margt að ganga upp.

Ásgeir Örn Hallgrímsson, silfurverðlaunahafi frá Peking 2008, Gunnar Steinn Jónsson leikmaður Stjörnunnar og fyrrum landsliðsmaður, og Guðjón Guðmundsson, sjálfur Gaupi, mæta í settið klukkan 13 í dag.

Hverjir eru möguleikar Íslands? Hvernig vinnum við Svartfellinga? og hvað klikkaði gegn Króatíu? Spurningum sem þessum og fleirum verður svarað í Pallborðinu á Vísi og Stöð 2 Vísi (stöð 5 hjá Vodafone, stöð 8 hjá Símanum) klukkan 13 í dag.

Þá verðum við í beinni úr íþróttahöllinni í Búdapest með Henry Birgi Gunnarssyni sem verður með nýjustu tíðindi af strákunum okkar.

Klippa: Pallborðið - Spáð í spilin fyrir leikinn við Svartfellinga

Uppfært klukkan 14:05 - Í Pallborðinu í dag var farið vel yfir leikinn gegn Svartfellingum. Rætt var um hvað þurfi að bæta frá tapinu gegn Króötum og þau risatíðindi að Aron Pálmarsson, Elvar Örn Jónsson og Bjarki Már Elísson verða með íslenska liðinu í dag og eru þeir lausir úr einangrun. 

Sérfræðingarnir voru allir sammála um að við myndum vinna leikinn í dag og einnig á því að Danir gætu hæglega tekið Frakka í kvöld, með einskonar varalið þar sem leikmennirnir sem koma inn í liðið væru ógnarsterkir. 

Danir eru nú þegar komnir áfram í undanúrslitin og geta leyft sér að hvíla lykilleikmenn gegn Frökkum í kvöld. Ísland þarf að treysta á Dani, að leggja Frakka til að eiga möguleika á því að komast í undanúrslitin. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.