Innlent

Elsti St. Bern­hards hundur landsins elskar banana og ætlar að verða hund­­gamall

Elísabet Inga Sigurðardóttir skrifar
Benedikt Ídor eða Benni eins og hann er oftast kallaður er elsti St. Bernhards hundur landsins.
Benedikt Ídor eða Benni eins og hann er oftast kallaður er elsti St. Bernhards hundur landsins. arnar halldórsson

Næst kynnumst við elsta St. Bernhards hundi landsins sem átti tíu ára afmæli fyrir helgi. Hann kýs banana fram yfir kjöt og á stóran aðdáendahóp.

Þetta er Benedikt Ígor. Hann er mikil stórstjarna. Hann er elsti St. Bernhards hundur landsins, tíu ára gamall og er ótrúlega sætur.

Benni, eins og hann er oftast kallaður, var átta vikna þegar fjölskyldan tók hann að sér. Þrátt fyrir háan aldur er hann í hörkuformi.

„Hann er rosalega skemmtilegur og góður,“ sagði Bríet Klara Örvarsdóttir, eigandi Benna og bætir því við að hundurinn sé besti vinur hennar.

„Benni er húmoristi. Hann er brjálaður húmoristi en er músin sem læðist. Það halda allir að hann sé gallalaus og algjörlega frábær en hann er rosalegur púki,“ sagði Sigríður Jónsdóttir, eigandi Benna.

Já og að mati eigandans besti hundur í heimi. Hann getur þó verið mikill prakkari eins og sést á myndinni hér fyrir neðan sem eigandinn smellti af honum eftir baráttu fjögurra mánaða Benna við einu pottaplöntuna á heimilinu.

Á myndinni er Benni fjögurra mánaða gamall og sáttur með dagsverkið.aðsend

„Við vorum í leiguhúsnæði á þessum tíma sem var með svona þykkt filt teppi og ég sver það að moldin er örugglega ekki fyllilega farin úr teppinu í dag.“

Benna leiðist nefnilega hreinlæti og vill helst vera skítugur. Uppáhalds matur Benna er ekki kjöt heldur banani.

Benni er eins og sést mikil fyrirsæta.arnar halldórsson

Bananar fram yfir kjöt

„Það er kannski bara lykilinn að langlífinu, að borða svona mikið af bönunum.“

Ætli hann sé vegan? 

„Nei ég get ekki sagt það.“

„Þó hann sé orðinn tíu ára í dag þá held ég að hann verði tuttugu ára. Að lágmarki. Við eigum fullt eftir enn við félagarnir. 

Hér að neðan er myndasyrpa af Benna sem yljar í skammdeginu.

Benni stillir sér upp með stelpunum.Arnar halldórssson
Benni hefur sótt nokkrar hundasýningar.aðsend
Benni er enginn smáhundur.aðsend
Benni hefur fylgt Sigríði í gegnum nokkrar meðgöngur.aðsend
Besti vinur mannsins.aðsend


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.