Handbolti

Eitt smit greindist innan franska hópsins í dag

Hjörtur Leó Guðjónsson skrifar
Kentin Mahé verður ekki með franska liðinu í dag.
Kentin Mahé verður ekki með franska liðinu í dag. Henk Seppen/BSR Agency/Getty Images

Kentin Mahé, leikmaður franska landsliðsins í handbolta, greindist með kórónuveiruna í dag og verður því ekki með gegn Íslandi á EM.

Frá þessu er greint á Twitter-síðu franska handknattleikssambandsins, en þetta er þriðja smitið í franska hópnum á mótinu.

Í gær var greint frá því að þjálfari liðsins, Guillaume Gille, sem og einn leikmaður liðsins, Karl Konan hafi greinst með veiruna.

Í yfirlýsingu franska handknattleikssambandsins kemur fram að tilkynningin hafi verið send út eins stuttu fyrir leik Frakka gegn Íslendingum og mögulegt var til að gefa andstæðingum dagsins engar vísbendingar.

Staða kórónuveirunnar innan franska hópsins er langt frá því að vera jafn slæm og í íslenska hópnum, en nú hafa alls átta leikmenn Íslands greinst með veiruna.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.