1.063 greindust innanlands og metfjöldi á landamærum

Atli Ísleifsson skrifar 6. janúar 2022 10:54

Um 35 þúsund manns hafa nú greinst með kórónuveiruna hér á landi frá upphafi faraldursins. Vísir/Vilhelm

1.063 greindust með kórónuveiruna innanlands í gær. 44 prósent af sem greindust innanlands í gær voru í sóttkví við greiningu og 56 prósent utan sóttkvíar.

Þetta kemur fram á síðunni covid.is. 9.476 eru nú í einangrun vegna Covid-19 samanborið við 9.125 í gær. 7.876 eru nú í sóttkví, en voru 7.525 í gær. 536 eru nú í skimunarsóttkví.

Á vef Landspítalans sagði í morgun að 32 sjúklingar liggi nú inni á sjúkrahúsi með Covid-19, en voru þrjátíu í gær. Sjö eru á gjörgæslu, en voru átta í gær. Sex eru í öndunarvél.

314 greindust á landamærunum í gær – 310 virk smit í fyrri landamæraskimun og fjögur í seinni landamæraskimun. Aldrei hafa svo margir greinst á landamærunum.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 3.206,7, en var 3.037,4 í gær. Nýgengi á smiti á landamærum er nú 343,1, samanborið við 270,5 í gær.

Alls hafa 35.239 manns greinst með kórónuveiruna hér á landi frá því faraldurinn hófst í lok febrúar á síðasta ári. 39 hafa látist á Íslandi vegna COVID-19 frá upphafi faraldursins.

Alls voru tekin 4.854 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá var 2.371 sýni tekin á landamærunum eða í seinni landamæraskimun og 1.665 í svokallaðri sóttkvíar- og handahófsskimun. Þá voru 64 sýni tekin í skimun hjá Íslenskri erfðagreiningu.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.