8.554 sjúklingar eru í COVID göngudeild spítalans, þar af 1.955 börn.Vísir/Hanna
28 sjúklingar liggja nú á Landspítala með COVID-19 og fjölgar þeim um þrjá milli daga. Sjúklingum á Covid-göngudeildinni fjölgar um 1.356 milli daga, fer úr 7.198 í gær og í 8.554 í dag.
Á vef Landspítalans segir að átta séu nú á gjörgæslu og eru sex þeirra í öndunarvél. Meðalaldur inniliggjandi á Landspítala með COVID-19 er nú 58 ár.
Í gær voru sjö á gjörgæslu með COVID-19 og fimm þeirra í öndunarvél.
8.554 sjúklingar eru í COVID göngudeild spítalans, þar af 1.955 börn.
Frá upphafi fjórðu bylgju, 30. júní 2021, hafa verið 279 innlagnir vegna COVID-19 á Landspítala.
Landspítalinn uppfærði í dag orðalag sitt í daglegum tilkynningum um stöðuna á spítalanum. Áður kom þar fram hve margir sjúklingar lægju inni „vegna“ Covid-19 en í dag var orðalaginu breytt í „með“ Covid-19. Tvö börn liggja inni á barnadeild Landspítalans með Covid-19.
25 sjúklingar liggja nú inni á Landspítala vegna Covid-19 og fjölgar um þrjá milli daga. Fjórtán þeirra eru bólusettir og ellefu óbólusettir.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.