Innlent

Þyrlan sótti ferða­mann á gos­stöðvarnar: „Hún bara treysti sér ekki til að labba lengra“

Viktor Örn Ásgeirsson skrifar
Mælt er gegn því að fólk hætti sér inn á hraunið enda undirlag nánast á hreyfingu.
Mælt er gegn því að fólk hætti sér inn á hraunið enda undirlag nánast á hreyfingu. Aðsend/Ragnhildur Aðalsteinsdóttir

Björgunarsveitin fékk upplýsingar um að konan væri á gosstöðvunum sem treysti sér ekki til að labba niður og hafði samband við lögregluna í kjölfarið. Yfirlag á gosstöðvunum er mjög óstöðugt og mælt er gegn því að fólk hætti sér inn á hraunið.

Þyrlan var kölluð út í kjölfarið sem flutti konuna niður. Þar tóku sjúkraflutningamenn hjá Brunavörnum Suðurnesja á móti henni, en konan er ekki slösuð. Bogi Adolfsson, formaður björgunarsveitarinnar Þorbjörns, segir að veður fari versnandi við gosstöðvarnar.

„Hún bara treysti sér ekki til að labba lengra. Þetta er náttúrulega bara nýrennandi, nýtt hraun og það er hvasst. Fólk fer en gerir sér ekki grein fyrir því hvað það er að fara út í, en áhugi á því að sjá þetta er svo mikill að það lendir í vandræðum,“ segir Bogi og bætir við að varla sé þorandi að senda björgunarsveitarmenn út í þessar aðstæður. Það geti beinlínis verið hættulegt.

Þyrla Landhelgisgæslunnar flutti konuna niður.Aðsend/Ragnhildur Aðalsteinsdóttir


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.