Fótbolti

Mæta tveimur þjóðum sem þeir hafa aldrei mætt áður í janúar

Ingvi Þór Sæmundsson skrifar
Íslenska karlalandsliðið leikur tvo leiki í Tyrklandi í janúar.
Íslenska karlalandsliðið leikur tvo leiki í Tyrklandi í janúar. vísir/vilhelm

Íslenska karlalandsliðið í fótbolta mætir tveimur þjóðum sem það hefur aldrei mætt áður í næsta mánuði.

Ísland mætir Úganda 12. janúar og Suður-Kóreu þremur dögum síðar. Leikirnir fara fram í Antalya í Tyrklandi.

Líkt og venjan er með landsleiki í janúar verður íslenski hópurinn að mestu skipaður leikmönnum sem leika hér á landi eða á Norðurlöndunum þar sem leikið er utan hins alþjóðlega leikjadagatals FIFA.

Sem fyrr sagði hefur Ísland hvorki mætt Úganda eða Suður-Kóreu í A-landsleik í karlaflokki.

Suður-Kórea hefur lengi verið eitt sterkasta lið Asíu og er fastagestur á HM. Suður-Kóreumenn eru í 33. sæti styrkleikalista FIFA.

Úganda er ekki jafn þekkt stærð en liðið hefur aldrei komist á HM og sjaldan komist langt á Afríkumótinu. Úgandamenn léku fjórtán leiki á þessu ári, unnu þrjá, gerðu fimm jafntefli og töpuðu sex.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.