Fótbolti

Rúnar Alex og fé­lagar færast nær Evrópu­sæti eftir annan sigurinn í röð

Runólfur Trausti Þórhallsson skrifar
Rúnar Alex hélt hreinu í kvöld.
Rúnar Alex hélt hreinu í kvöld. Plumb Images/Getty Images

Rúnar Alex Rúnarsson stóð vaktina í marki Leuven er liðið lagði Charleroi 3-0 á útivelli í kvöld. Sigurinn þýðir að Leuven er nú aðeins fimm stigum frá sæti sem gefur þátttöku í forkeppni Sambandsdeildar Evrópu á næstu leiktíð.

Eftir mikla bekkjarsetu framan af leiktíð hefur Rúnar Alex fengið traustið að undanförnu. Hann stóð vaktina í kvöld og hélt loks hreinu er samherjar hans skoruðu þrjú mörk.

Casper De Norre kom Leuven yfir snemma í fyrri hálfleik. Í þeim síðari tvöfaldaði Mousa Al-Tamari forystu gestanna áður en Sory Kaba gulltryggði sigurinn með þriðja marki Leuven.

Lokatölur 3-0 og Leuven nú með 26 stig í 10. sæti deildarinnar.

Fótbolti

Mest lesið


Fleiri fréttir

Sjá meira


×

Mest lesið