Banda­ríkja­her þróar nýtt bólu­efni

Vísindamenn hjá Walter-Reed, rannsóknarstofnun Bandaríkjahers, hafa unnið að þróun bóluefnisins í tæp tvö ár. Efnið var þróað með það í huga að það dygði ekki aðeins gegn upprunalega afbrigði kórónuveirunnar heldur öðrum mögulegum afbrigðum sem kynnu að þróast í kjölfar útbreiðslu veirunnar.

Tilraunir á fólki hófust í apríl á þessu ári og lauk fyrsta fasa tilraunarinnar fyrr í þessum mánuði. Bóluefnið virðist virka vel en nánar verður greint frá niðurstöðum tilrauna á næstu vikum. Þetta kemur fram í frétt The Hill.

Bóluefnið er svokallað SpNF bóluefni sem er ólíkt öðrum bóluefnum sem notuð hafa verið hingað til í baráttu við veiruna. Efnið nýtir prótín með tuttugu og fjórum fösum, sem merkir að það geti tengst öllum broddum mismunandi afbrigða kórónuveirunnar. Efnið er þar að auki talið ódýrt í framleiðslu og gert er ráð fyrir því að ein sprauta með bóluefninu veiti nægilega vernd gegn veirunni.