Innlent

Ræða við vitni og aðila að slysinu á Suður­lands­vegi

Hallgerður Kolbrún E. Jónsdóttir skrifar
Slysið varð um klukkan 18 í gær og voru þrír fluttir á spítala. Myndin tengist málinu ekki beint.
Slysið varð um klukkan 18 í gær og voru þrír fluttir á spítala. Myndin tengist málinu ekki beint. Vísir/Vilhelm

Lögreglan á Suðurlandi hefur nú til rannsóknar slys sem varð á Suðurlandsvegi rétt austan við Þingborg í gærkvöldi. Þrír voru fluttir á Landspítala.

Rannsókn á slysinu stendur nú yfir og vinnur lögregla nú að því að ná tali af öllum þeim sem urðu vitni að slysinu og aðilum að málinu. Rannveig Brynja Sverrisdóttir, aðalvarðstjóri hjá lögreglunni á Suðurlandi, segir í samtali við fréttastofu að nokkrir hafi orðið vitni að því. 

Hún geti ekki sagt til um líðan fólksins sem slasaðist en um hafi verið að ræða háorkuumferðarslys. Lögregla varaði við því í gær að talsverð hálka væri á vegum á Suðurlandi. 

Ná þurfi betur utan um málið áður en frekari upplýsingar verði gefnar út.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×