Lífið samstarf

Bætt heilsa í ómótstæðilegum pökkum Gyðjunnar fram að jólum

House of Beauty
Sigrún Lilja Guðjónsdóttir hjá Hosue of Beauty.
Sigrún Lilja Guðjónsdóttir hjá Hosue of Beauty.

„Okkar helsta markmið er að hjálpa fólki við að bæta heilsu og auka sjálfstraust.“  Sigrún Lilja er konan á bak við líkamsmeðferðarstofuna The House of Beauty.

Sigrúnu Lilju Guðjónsdóttur þekkja margir sem stofnanda Gyðja Collection. Í dag rekur hún líkamsmeðferðarstofuna The House of Beauty sem hefur á stuttum tíma orðið vinsæll viðkomustaður á meðal Íslendinga sem vilja bæta líkamlega formið hvort sem það á við heilsu eða útlit.

Sigrún fór 24 ára út í rekstur hönnunarmerkisins Gyðju Collection. „Ég var ung og frekar blaut á bak við eyrun þegar ég fór af stað en reynslan sem maður fékk var ómetanleg.“ Sigrún býr í dag yfir töluverðri reynslu af rekstri. „Ég lærði ýmislegt af því að byggja upp mitt eigið merki, bæði hvað á að gera en líka hvað á ekki að gera,“ segir hún og hlær. „Þetta var því gríðarlega lærdómsrík ár fyrir mig sem maður hefur í farteskinu. Þrátt fyrir að oft hafi það tekið helling á og alls ekki verið neinn dans á rósum.“

„Það dundu á okkur nokkur frekar alvarleg högg. Meðal annars komu upp veikindi hjá mér sem leiddu til þess að ég varð óvinnufær og þurfti því að setja heilsuna í forgang sem var mér mjög erfitt, en það eina í stöðunni. Að segja bless við Gyðju fallega hönnunarmerkið mitt sem var mér mjög dýrmætt var erfitt skref en ég minnti mig á að þegar einar dyr lokast þá opnast aðrar sem gerðist svo klárlega með tilkomu The House of Beauty. Ég fæ ennþá sendar fyrirspurnir í hverri viku bæði hér á landi en þó aðalega erlendis frá um Gyðju ilmvötnin sem voru í uppáhaldi hjá mörgum. Hver veit nema einn daginn komi maður með einhverja endurútgáfu, en það verður þá með öðrum hætti og með einfaldari umgjörð. Í dag met ég lífið öðruvísi og reyni að einfalda það eins mikið og hægt er.“ Segir Sigrún og heldur áfram:

„Þegar ég veiktist þá gerði ég allt sem ég gat sjálf til að ná upp heilsu á sem náttúrulegastan og öflugastan hátt og á þessum tíma kynntist ég nokkrum af líkamsmeðferðunum sem við bjóðum uppá í dag hjá The House of Beauty. Í dag þakka ég fyrir að vera orðin heilsuhraust og á ég það meðal annars líkamsmeðferðunum okkar að þakka,“ segir Sigrún.

„Hjá The House of Beauty vinnur með mér ómetanlegt starfsfólk sem býr orðið yfir mikilli reynslu og þekkingu. Þær eru átta talsins og erum við að ná ótrúlegum árangri með viðskiptavinum okkar. Ég legg líka mikið upp úr endurmenntun og stöðugri þjálfun. Þannig náum við að vera með puttann á púlsinum í þeirri hröðu þróun sem á sér stað í þessum geira í dag.“

„Margir glíma sem dæmi við staðbundin vandamál sem ræktin hefur ekki verið að vinna fyllilega á. Okkar sérstaða eru líkamsmeðferðir án inngripa; án þess að leggjast undir hnífinn. Við höfum náð frábærum árangri með ákveðin vandamál eins og svuntu á kvið eftir barnsburð eða þyngdartap, uppbyggingu á rassvöðvum, kviði, upphandleggjum og fleiru.“

Árangur viðskiptavina hefur þótt mikill og vakið eftirtekt

„Við þrýstum ekki á fólk að birta myndirnar af sér og fara margir í gegn með glæstan árangur sem aðeins þeir vita af. Það fylgir bara trúnaðinum og er algjörlega eðlilegt miðað við það sem við sérhæfum okkur í, sem eru líkamsmeðferðir. En svo er alltaf sumir sem eru til í að leyfa okkur að birta myndirnar og leyfa fólki að sjá hvað við erum að gera alla daga og okkur þykir mjög vænt um það,“ segir Sigrún.

Ein af árangurssögum okkar er frá Súsönnu Ósk.

„Súsanna var svo yndisleg að leyfa okkur að deila hennar árangri. Hún byrjaði hjá okkur í meðferðum í september 2020 með það að markmiði að bæta heilsuna og daglega verki. Hún hefur síðan þà misst heila 91 cm að auki sem hún endurheimti heilsuna aftur sem er auðvitað það mikilvægasta í hennar ferðalagi.

Hér má lesa brot úr sögunni hennar:

„Ég mætti í The House of Beauty sárþjáð, gekk nánast með göngugrind og gat varla hreyft mig. Eina sem læknar gátu gert voru að gefa mér stera sprautur og sjúkraþjálfarar voru búnir að gefast upp à mér.

Èg byrjaði í Lipomassage Silkligth í september síðastliðinn og meðferðin hefur gert kraftaverk á mér. Ég er farin að geta hreyft mig, gengið upp tröppur, geta beygt mig sem ég gat ekki áður og það hafa fokið af mér 91 sentimetri og geðheilsan er orðin miklu betri. Það er líka svo æðislegt að vera hjá ykkur, alltaf tekið á móti manni með bros á vör. Ég er bara eins og ný manneskja frá því ég byrjaði að mæta í The House of Beauty.

Èg vissi hreinlega ekki að annað eins væri til og ég get ekki mælt meira með.”


Súsanna Ósk náði frábærum árangri.

Önnur árangurssaga er af Kristínu Ósk Wium. „Hún var svo mikil dásemd að leyfa okkur að birta myndirnar hennar undir nafni.“ Segir Sigrún

Hér má sá árangursmyndir Kristínar og nokkur orð frá henni:

„Í janúar var ég algjörlega að gefast upp á sjálfri mér, fannst ég þung bæði andlega og líkamlega.

Ég var búin að íhuga allskonar, bæði magaaðgerðir og fitusog. Svo sá ég viðtal við Sigrúnu og ákvað að kynna mér meðferðirnar sem í boði eru hjá The House Of Beauty. Ég fór í kjölfarið í mælingu og ráðgjöf og keypti mér tíma í Velashape og í Silk - og þá var ekki aftur snúið!

Ég fór að fara 2x í viku og eftir 5 vikur voru 37 cm farnir af mér. Það sem þessar meðferðir hafa gefið mér, en á þessum vikum missti ég 10 kg líkamlega - en svo miklu meira andlega. Ég hlakka til þess að mæta í tímana mína, bæði vegna þess að árangurinn hefur verið svo frábær en ekki síður vegna yndislegu stúlknanna sem þarna vinna.

Takk fyrir mig - þið losnið aldrei við mig.”  - Kristín Wium

Kristín Wium náði frábærum árangri hjá House of Beauty.

Brúðarpakkar

Þessi glæsilega brúður kom til okkar sem módel í Brúðar makeover pakkann. Hún byrjaði 14. feb.  og kláraði 1. maí.

Það eru 2,5 mán á milli mynda.

Brúðarmakeover styrkir líkamann.

Totally Laser Lipo pakkinn

Þessi kona kom til okkar tvisvar í viku í átta vikur.

Hún byrjaði í Totally Laser Lipo með àherslu á magasvæðið og fór í fitform beint á eftir til að stinna og styrkja vöðva og fullkomna árangurinn.

Lipomassage Silklight– Sú allra vinsælasta

„Ein af okkar allra vinsælustu meðferðum frá upphafi er án efa Lipomassage. En það er ein öflugasta sogæðameðferð sem þú kemst í. Fyrir utan að hafa gríðarlega öflug áhrif á mótun líkama, búa til það sem við köllum „sokkabuxnaáferð“ og vinna á appelsínuhúð, á bjúg söfnun og staðbundinni fitu þá er þetta meðferðin sem mjög margir kjósa að koma í til að halda niðri verkjum t.d. vegna gigtar eða stoðkerfisvandamála.

Meðferðin tekur 40 mínútur. Viðskiptavinurinn klæðir sig í sérstakan galla og er allur líkaminn nuddaður með meðferðartækinu, frá toppi til táar. Við fáum marga gigtarsjúklinga til okkar vikulega sem ná að halda niðri verkjum með því að koma í þessa meðferð og sumir geta jafnvel minnkað lyf á móti sem er auðvitað alltaf markmiðið. Lipomassage meðferðin bætir blóðflæði og dregur úr bólgum og bjúg. 

Það skemmtilegasta í þessu öllu saman er að sjá þegar fólk nær bata í heilsunni. Eftir að hafa sjálf misst heilsuna og þurft að berjast fyrir að ná henni aftur þá fyrst gerir maður sér grein fyrir hversu verðmæt heilsan okkar er. Það er því eitt af þessu sem ég brenn fyrir í dag, að leggja mitt af mörkum við að aðstoða fólk við að byggja upp heilsu og þessi meðferð er þar gríðarlega öflugt tæki enda telja jákvæðar reynslusögur í dag örugglega hundruðum.“ Segir Sigrún Lilja

Velashape og stjörnurnar

Velashape líkamsmeðferðina nota margar af frægustu stjörnunum í Hollywood reglulega. „Meðferðin kemur frá Bandaríkjunum og er þekkt að Victoria‘s Secret fyrirsæturnar nota tækið til að fullkomna línurnar fyrir sýningar. Einnig nota Kardashian systurnar meðferðina sem dæmi og hægt væri að telja upp endalaust af hinum ýmsu stjörnum sem nýta meðferðina.“

Meðferðin tekur 20 mínútur og mótar og stinnir líkamann á áhrifaríkan hátt. Blanda af innfrarauðum geislum, rafbylgjum og svokallaðri ryksugu orsakar djúpa hitun á fitufrumum, vefjum og undirliggjandi kollagen-trefjum. Meðferðin beinist að staðbundinni fitu í líkamanum og örvar elastín- og kollagenframleiðslu húðarinnar. Velashape er öflugt á blöndu af lausri húð og fitu. „Meðferðin er vinsæl hjá konum eftir barnsburð, til að vinna á svuntu og lausri húð eftir þyngdartap. Sama gildir um fitusöfnun á baki og kringum brjóst og ekki má gleyma bingóvöðvanum svokallaða eða þríhöfðanum. Það er mjög vinsælt að koma í Velashape og fara svo beint í Lipomassage á eftir. Hvor um sig virka mjög vel, en saman gefa þær enn meiri árangur. LED húðmeðferðin okkar er einnig mjög öflug ljósmeðferð til að vinna á örum, slitum og vinna á lausri húð.“

Totally Laser Lipo fyrir staðbundna fitusöfnun

„Totally Laser Lipo líkamsmeðferðin er hönnuð til að vinna á staðbundinni fitusöfnun. Sérstakar leiserblöðkur eru notaðar til að opna fitufrumuna, breyta fitunni þar úr föstu í fljótandi form, sem lekur svo út úr frumunni og losast út úr líkamanum með sogæðakerfinu á náttúrulegan hátt. Við mælum alltaf með að fólk taki brennsluæfingu innan tólf tíma eftir slíka meðferð, til að hjálpa sogæðakerfinu að losa fituna úr líkamanum. Vinsælt er að fara í Fitform á eftir Totally Laser Lipo. Þar er djúp rafleiðni notuð til að styrkja vöðvana og auka brennslu. Þessar tvær virka dúndurvel saman.“

Ný meðferð sýnir árangur á hraða sem aldrei fyrr

Sigrún hefur nú bætt við glænýrri og byltingarkenndri meðferð sem nefnist Msculpta PRO. Meðferðin byggir upp vöðva og losar fitu á undarverðan hátt með rafsegulbylgjum.

Ný byltingarkennd meðferð.

„Mscultpa PRO er gríðarlega öflug meðferð til að byggja upp vöðva og brenna fitu með nýrri og byltingarkenndri rafsegultækni eða svokallaðri HIFEM tækni.“

„Mscultpa PRO meðferðin er með þeim öflugri sem við höfum komist í tæri við á þessu sviði, að byggja upp og móta vöðva ásamt því að brenna fitu. Við byrjum alltaf að prufa nýjar meðferðir á starfsfólkinu til að sjá með berum augum hvaða árangri við má búast en ekki bara samkvæmt því sem framleiðandi auglýsir áður en við setjum meðferðir í sölu og árangurinn er í raun alveg magnaður. Við trúðum því eiginlega ekki hve hratt þessi meðferð mótar líkamann og styrkir vöðva.“ Segir Sigrún.

Ómótstæðilegir jólapakkar eingöngu fáanlegir til kl. 13 á aðfangadag

Sigrún Lilja segir að hún reyni að gera vel við viðskiptavini og bjóða reglulega upp á spennandi pakka sem eru þá á einstökum kjörum. Nú býður hún nú upp á ómótstæðilega sérsamsetta jólapakka hjá The House of Beauty sem eingöngu eru fáanlegir til kl. 13 á aðfangadag.

„Við bjóðum upp á sérhannaða jólapakka sem eru eingöngu í sölu fyrir jólin. Í ár bættum við, við fleiri minni og því ódýrari pökkum við jólapakkana til að auka úrvalið enn frekar fyrir þá sem vilja gefa bætta heilsu í gjafapakka frá okkur undir jólatréð. Í jólapökkunum okkar eru meðferðirnar á ótrúlega góðum kjörum og því ætti enginn jólasveinn að láta þetta fram hjá sér fara.“

Gera ekki kröfu um hreyfingu eða sérstakt mataræði

„Við gerum enga sérstaka kröfu um hreyfingu eða mataræði enda eru þeir sem koma til okkar eins misjafnir og þeir eru margir. Sumir geta einfaldlega ekki hreyft sig og þurfa því aðstoð okkar til að byggja líkamann upp. En við gefum góð ráð hvað varðar t.d. vatnsdrykkju, gufu, góða næringu og ýmis önnur trikk til að bæta við heilsuna og hjálpa líkamanum til að hámarka árangur hvers og eins. Svo hvetjum við viðskiptavini til dáða í ferlinu og það hefur alltaf jákvæð áhrif líka.“ Segir Sigrún.

En eru meðferðir The Hosue of Beauty fyrir alla?

„NEI er stutta svarið.“ Segir Sigrún og bætir við „Þumalputtareglan er sú að ÞINN ÁRANGUR ER OKKAR MARKMIÐ og ef tilskyldur árangur er ekki að nást fljótlega eftir að prógramm hefst þá er mikilvægt að láta meðferðaraðila vita svo hægt sé að gera breytingar á prógrammi viðkomandi. Því við erum eins misjöfn og við erum mörg og líkaminn okkar bregst mismunandi við. Því er mikilvægt að grípa inn í og gera breytingar á meðferðarprógrammi ef þörf krefur og þannig höfum við verið að ná góðum árangri.

Meðferðirnar okkar henta ekki þeim sem eru að leita að leið til að missa ákveðin fjölda af kílóum. Fókusinn hjá okkur er ekki að viðskiptavinir missi ákveðinn fjölda kílóa heldur aðstoðum við að vinna á staðbundnum breytingum á fitusöfnun, slappri húð, bjúg, bólgum, slitum og ýmsu öðru. Við fókusum heldur á að hægt að sjá árangur með berum augum og á myndum, heldur en að missa ákveðinn fjölda af kílóum. En þó er það oft jákvæð aukaverkun að missa þyngd þegar verið er í meðferðarprógrammi hjá okkur, það er persónubundið.

 Meðferðirnar henta heldur ekki þeim sem eru ekki tilbúnir til að leggja sitt af mörkum og axla ábyrgð á eigin árangri. Árangur byggist á samstarfi meðferða, meðferðaraðila og viðskiptavinar. Við getum ekki ábyrgst það sem hver og einn gerir heima hjá sér. Það er því mikilvægt að fara eftir leiðbeiningum frá okkur svo hármarksárangur náist.“ Segir Sigrún Lilja að lokum.






Fleiri fréttir

Sjá meira


×