Innlent

Bannað að nota lím- og drekkingargildrur

Hólmfríður Gísladóttir skrifar
Óvenjumikill músagangur virðist vera víða um land.
Óvenjumikill músagangur virðist vera víða um land.

Notkun límbakka og drekkingargildra brjóta gegn ákvæðum laga um velferð dýra og það er óheimilt að bera út eitur eða nota músagildrur fyrir hagamýs utanhúss. Þetta kemur fram í tilkynningu frá Matvælastofnun vegna frétta um óvanalega mikinn músagang.

Í tilkynningunni, sem birtist á vef MAST, er meðal annars bent á eftirfarandi í lögum um velferð dýra: „Við eyðingu meindýra er óheimilt að beita aðferðum sem valda þeim óþarfa limlestingum eða kvölum. Tryggja skal að útrýmingarefni valdi ekki tjóni á öðrum dýrum en meindýrum.“

Samkvæmt MAST tryggja vandaðar felligildrur yfirleitt skjóta aflífun með sem minnstum sársauka en lykilatriði sé að vitja þeirra daglega, bæði til að aflífa þau dýr sem hafa ekki lent rétt í gildrunni og til að ganga úr skugga um að hún sé virk.

„Svokölluð músahótel, einnig af sumum kallaðar „lífgildrur“, eru gildrur sem miða að því að fanga mýsnar án þess að valda þeim skaða. Með slíkum gildrum þarf einnig að hafa daglegt eftirlit til að aflífa mannúðlega þær mýs sem þar lenda (t.d. með kröftugu höfuðhöggi) eða sleppa þeim lifandi út. Það brýtur í bága við lög um velferð dýra að láta mýs vera lengi í slíkri gildru og jafnvel svelta í hel,“ segir í tilkynningunni.

Af vef MAST: Músagangur og aflífun meindýra - hvað samræmist lögum?

Dýr Dýraheilbrigði
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið