Erlent

Pfizer segir örvunar­skammtinn vernda vel gegn ó­míkronaf­brigðinu

Atli Ísleifsson skrifar
Pfizer vinnur áfram að þróun bóluefnis gegn ómíkronafbrigðinu og er reiknað með að það verði tilbúið í mars næstkomandi.
Pfizer vinnur áfram að þróun bóluefnis gegn ómíkronafbrigðinu og er reiknað með að það verði tilbúið í mars næstkomandi. EPA

Bandaríski lyfjarisinn Pfizer segir að svokallaður örvunarskammtur gegn kórónuveirunni, það er þriðja sprautan, veiti góða vernd gegn ómíkronafbrigði kórónuveirunnar, mun betri en tveir skammtar gera.

Þetta er er meðal niðurstaðna nýrrar rannsóknar fyrirtækisins á upprunalegu bóluefni Pfizer og sagt er frá í tilkynningu á vef Pfizer.

Pfizer vill meina að örvunarskammturinn virki álíka vel gegn ómíkronafbrigðinu og tveir skammtar gerðu gegn upprunalegu kórónuveirunni sem olli COVID-19.

Haft er eftir Albert Bourla, forstjóra Pfizer, að tvær sprautur geti áfram verndað ágætlega gegn alvarlegum veikindum, en að ljóst sé á þessum nýju rannsóknum að verndin aukist enn frekar með örvunarskammti, það er þriðju sprautunni.

„Að tryggja að eins margir og hægt er fái tvo skammta og svo örvunarskammt, er besta leiðin til að stemma stigu við útbreiðslu COVID-19,“ segir Bourla.

Í tilkynningu Pfizer kemur jafnframt fram að fyrirtækið vinni áfram að þróun bóluefnis gegn ómíkronafbrigðinu og er reiknað með að það verði tilbúið í mars næstkomandi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.