Innlent

Nýgengi smita langlægst hjá þeim sem hafa fengið þriðja skammtinn

Hólmfríður Gísladóttir skrifar
Innlend tölfræði sýnir ótvíræðan ávinning bólusetninga.
Innlend tölfræði sýnir ótvíræðan ávinning bólusetninga. Vísir/Vilhelm

Fjórtán daga nýgengi á hverja 100.000 er nú 751 hjá óbólusettum fullorðnum einstaklingum, 478 hjá fullbólusettum og 56 hjá þeim sem hafa fengið þrjá skammta af bóluefnum.

Frá þessu er greint í Morgunblaðinu í dag.

Þar kemur fram að þeir sem hafa fengið svokallaðan örvunarskammt séu 90 prósent betur varðir eftir þriðja skammtinn en eftir skammt númer tvö. Þetta er haft eftir Thor Aspelund, prófessor í líftölfræði við Háskóla Íslands.

Athygli vekur að samkvæmt upplýsingum á vefnum covid.is er nýgengi smita hæst meðal barna sem eru fædd árið 2006 og síðar og eru ekki fullbólusett; það er 953,7.

Þá er fjórtán daga nýgengi innlagna á hverja 100.000 íbúa 0,5 hjá fullorðnum sem hafa fengið örvunarskammt, 5,9 hjá þeim sem eru fullbólusettir og 34 hjá þeim sem eru ekki fullbólusettir.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.