Náðu ekki að klára leikinn vegna óláta stuðningsmanna Sverris og félaga

PAOK var talið sigurstranglegra þegar kom að leik kvöldsins en Daniel Mancini kom Aris í forystu seint í fyrri hálfleik.

Ekki var útlit fyrir að heimamenn myndu ná að jafna leikinn og þegar skammt var til leiksloka tóku stuðningsmenn PAOK til sinna ráða og sáu til þess að ekki var hægt að klára leikinn með ólátum sem leiddu til þess að Bobby Madden, dómari leiksins, neyddist til að flauta leikinn af á 86.mínútu.

Eins og sjá má á myndskeiðinu hér fyrir ofan fóru stuðningsmenn PAOK langt yfir strikið og líklegt að málið muni draga dilk á eftir sér.

Sverrir Ingi sat allan tímann á varamannabekk PAOK.