Innlent

Sjö þúsund sprautur í dag og af­ganginum komið út

Vésteinn Örn Pétursson skrifar
Frá bólusetningu í Laugardalshöllþ
Frá bólusetningu í Laugardalshöllþ Vísir/Vilhelm

Vel gekk að koma út þeim fjögur hundruð örvunarskömmtum Pfizer-bóluefnisins sem stóðu afgangs þegar heilsugæslan á höfuðborgarsvæðinu opnaði fyrir bólusetningar þeirra sem ekki höfðu fengið boðun í bólusetningu síðdegis í dag.

Þetta segir Ragnheiður Ósk Erlendsdóttir, framkvæmdastjóri hjúkrunar hjá heilsugæslunni, í samtali við fréttastofu. Í dag voru gefnir sjö þúsund örvunarskammtar með bóluefni Pfizer.

Efnið er notað sem örvunarskammtur óháð því hvort fólk hafi áður fengið bólusetningu með Pfizer eða öðru efni. Eina skilyrðið er að fimm mánuðir hafi liðið frá því fólk fékk síðustu sprautu.

Ragnheiður segir að búið sé að boða langstærstan meirihluta þeirra sem gjaldgengir eru í örvunarbólusetningu. Svo vel hafi gengið að boða fólk að til skoðunar sé hjá heilsugæslunni að hafa svokallaðan opinn dag í Laugardalshöll á miðvikudag, þar sem þeir sem fengið hafa boðun en ekki séð sér fært að mæta geti komið og fengið sprautu.

Bólusetningar Faraldur kórónuveiru (COVID-19) Heilbrigðismál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið