102 greindust innanlands í gær

Atli Ísleifsson skrifar 22. nóvember 2021 10:35

Alls hafa tæplega 17 þúsund manns greinst með kórónuveirua hér á landi frá upphafi faraldursins. Vísir/Vilhelm

102 greindust með kórónuveiruna innanlands í gær. 62 af þeim 102 sem greindust innanlands í gær voru í sóttkví við greiningu, eða 61 prósent. Fjörutíu voru utan sóttkvíar, eða 39 prósent.

Þetta kemur fram á síðunni Covid.is. 1.684 eru nú í einangrun vegna Covid-19, en voru 1.848 á föstudaginn. 2.380 eru nú í sóttkví, en voru 2.448 á föstudag. 174 eru nú í skimunarsóttkví.

24 eru nú inniliggjandi á sjúkrahúsum á landinu vegna Covid-19, samanborið við 25 í föstudag. Þá eru þrír á gjörgæslu vegna Covid-19, en voru fimm á föstudag. Á vef Landspítalans segir að 22 sjúklingar liggi á Landspítala vegna COVID-19. Meðalaldur inniliggjandi er 57 ár. Þrír eru á gjörgæslu, allir í öndunarvél. Af þeim 22 sem liggja inni eru níu bólusettir og þrettán óbólusettir.

Átta smit kom upp á landamærunum í gær –sjö virk smit í fyrri landamæraskimun og eitt í seinni landamæraskimun.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 577,3, en var 565,6 í gær. Nýgengi á smiti á landamærum er nú 31,4 en var 29,2 á föstudag.

Alls hafa 16.800 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 34 andlát verið rakin til Covid-19 hér á landi frá upphafi faraldursins.

Alls voru tekin 1.182 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá var 1.099 sýni tekin á landamærunum eða í seinni landamæraskimun og 479 í svokallaðri sóttkvíar- og handahófsskimun.

Faraldur kórónuveiru (COVID-19)

Tengdar fréttir

„Ég held, svona innst inni, að við séum búin að ná toppnum“

Þórólfur Guðnason sóttvarnalæknir segir ýmis teikn vera um að við séu búin að ná toppnum í þeirri smitbylgju sem nú stendur. Hann segir stöðuna hafa verið nokkuð góða um helgina þó að enn eigi eftir að taka tölurnar almennilega saman.

22. nóvember 2021 08:21

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir