Innlent

Takmörkuð starfsemi á Litla-Hrauni vegna Covid-19 smits

Kolbeinn Tumi Daðason skrifar
Fangelsið Litla-Hraun við Eyrarbakka.
Fangelsið Litla-Hraun við Eyrarbakka. Vísir/Vilhelm

Komið hefur upp Covid-19 smit meðal starfsmanna í fangelsinu Litla-Hrauni. Nokkur hópur starfsmanna er í sóttkví og ljóst að næstu daga verður starfsemi fangelsisins takmörkuð. Öllum heimsóknum gesta er frestað fram yfir helgina.

Þetta kemur fram í tilkynningu frá Fangelsismálastofnun.

Þá breytist heimsóknafyrirkomulag allra fangelsanna með þeim hætti að frá og með næsta laugardegi geta aðeins tveir gestir af heimsóknarlista heimsótt fanga í viku hverri, ásamt börnum. 

Fullorðnir gestir, átján ára og eldri, þurfa að framvísa hraðprófi sem er innan við 48 klukkustunda gamalt. Fyrirkomulag þetta verður endurskoðað að viku liðinni. 

„Við vonum að allir sýni þessu skilning enda mikilvægt að halda starfsemi fangelsanna öruggri,“ segir í tilkynningunni.

Fangelsismál Faraldur kórónuveiru (COVID-19) Árborg
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið