Mette Frederiksen á blaðamannafundinum í dag.EPA-EFE/OLAFUR STEINAR GESTSSON
Mette Frederiksen, forsætisráðherra Danmerkur, hefur lagt til að danska þingið skilgreini kórónuveiruna á ný sem sjúkdóm sem ógni dönsku samfélagi. Faraldurinn hefur verið á uppleið í Danmörku að undanförnu.
DR greinir frá og vísar í fréttamannafund sem haldinn var í danska forsætisráðuneytinu í dag. Fundurinn var haldinn eftir að yfirmenn heilbrigðis- og sóttvarnarmála í Danmörku voru kallaðir á fund í heilbrigðisráðuneytinu fyrr í dag.
Sóttvarnarnefnd danska þingsins mun taka tillögu ríkisstjórnarinnar fyrir á morgun. Verði hún samþykkt mun ríkisstjórn og sóttvarnaryfirvöld geta beitt samfélagslegum takmörkunum á ný til þess að stemma stigu við útbreiðslu veirunnar í Danmörku.
Einnig er lagt til að bólusetningarskírteini verði aftur tekið upp til þess að komast inn á veitingahús og skemmtistaði. Danir afléttu öllum takmörkunum vegna Covid-19 þann 10. september síðastliðinn.
Sagði Frederiksen að heilbrigðisyfirvöld hafi áhyggjur á álagi á heilbrigðiskerfið, sem hafi aukist til muna að undanförnu.
Síðustu fimm daga hafa rúmlega tvö þúsund greinst með Covid-19 í Danmörku á hverjum degi.
Öllum takmörkunum vegna faraldurs kórónuveirunnar var aflétt í Danmörku á miðnætti. Markar það endalok átján mánaða tímabils samkomutakmarkana í landinu. Ekki er útilokað að skólum í landinu verði lokað fari svo að faraldurinn fari á flug á ný.
Danska ríkisstjórnin hyggst aflétta öllum takmörkunum vegna faraldurs kórónuveirunnar 10. september næstkomandi. Covid-19 verður þá ekki lengur skilgreindur sjúkdómur sem ógnar dönsku samfélagi.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
