Færeyingar herða og takmarka samkomur við fimmtíu

Atli Ísleifsson skrifar 3. nóvember 2021 13:58

Síðustu daga hafa milli sextíu og hundrað greinst í Færeyjum á hverjum degi. Vísir/Vilhelm

Landsstjórn Færeyja hefur ákveðið að herða samkomutakmarkanir og munu þær nú miðast við fimmtíu. Næturklúbbum verður gert að loka, en veitingastaðir mega áfram hafa opið, með ákveðum takmörkunum þó.

Frá þessu greindi landsstjórnin í dag, en faraldurinn hefur verið á mikilli siglingu í Færeyjum síðustu daga og vikur . Síðustu daga hafa milli sextíu og hundrað greinst í Færeyjum á dag. Þannig greindust 76 á mánudaginn og 67 á sunnudaginn.

Samkvæmt nýjum reglum eiga skólar og daggæslustofnanir að loka ef smit kemur upp. Ráðgjafanefnd skóla- og frístundaráðs meti stöðuna í samráði við landlækni í hverju tilviki fyrir sig. Frístundastarfsemi barna og unglinga skulu sömuleiðis stöðvast ef smit kemur upp.

Íþróttaleikir mega fara fram en áhorfendur skulu bannaðir.

Varðandi komur fólks til Færeyja þá skulu allir fara í sýnatöku daginn eftir komu.

Faraldur kórónuveiru (COVID-19) Færeyjar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.