Eysteinn fengið áhugaverð símtöl: „Pínu sérstakt að vera sagt upp núna“ Sindri Sverrisson skrifar 2. nóvember 2021 13:31 Eysteinn Húni Hauksson og Sigurður Ragnar Eyjólfsson stýrðu liði Keflavíkur saman. vísir/hulda margrét Þrátt fyrir að karlalið Keflavíkur í fótbolta hafi unnið 1. deild í fyrra og haldið sæti sínu í efstu deild í ár var Eysteini Húna Haukssyni, öðrum þjálfara liðsins, sagt upp í haust. Ákvörðunin kom honum á óvart en Eysteinn útilokar ekki að starfa áfram í Keflavík þó að hann hafi einnig fengið áhugaverð símtöl víða af landinu. Eysteinn er frá Egilsstöðum en hefur starfað fyrir Keflavík drjúgan hluta ævinnar, sem leikmaður og þjálfari. Hann var aðstoðarþjálfari meistaraflokks karla á árunum 2016-2018 og tók svo við sem aðalþjálfari á miðju tímabili 2018 – sumri sem Keflvíkingar vilja gleyma sem fyrst en þeir féllu þá úr efstu deild án þess að vinna leik: „Það var gríðarlega erfitt ár og mér datt eiginlega ekki í hug að ég yrði ráðinn áfram en ákvað samt að selja stjórninni mína hugmyndafræði og hélt fund með henni um það hvernig ég sæi fyrir mér framtíð Keflavíkur. Við höfum í rauninni algjörlega haldið okkur við þær hugmyndir að öllu leyti og erum að mínu mati á hárréttri leið, og þess vegna er pínu sérstakt að vera sagt upp núna,“ segir Eysteinn. Veit hvaða verki ég hef skilað Hann var sem sagt aðalþjálfari Keflavíkur í þrjár og hálfa leiktíð en síðustu tvær leiktíðir hafa þeir Sigurður Ragnar Eyjólfsson stýrt liðinu saman. Sigurður Ragnar er áfram þjálfari liðsins og hefur hann fengið Harald Frey Guðmundsson sem aðstoðarmann. En gekk samstarfið með Sigurði Ragnari þá ekki vel? „Ég sé enga ástæðu til að tjá mig um það. Ég tjáði mig bara um þetta við Sigga sjálfan, stjórnina og fólkið sem stendur í kringum mig en ég tel það alveg nóg. Ég veit hvaða verk ég hef lagt inn og er mjög sáttur við það,“ segir Eysteinn og bætir við: „Ég hef átt framúrskarandi samstarf við stjórnarmenn Keflavíkur og ætla ekki að fetta fingur út í það hvaða ákvörðun þeir taka. Þetta kom mér á óvart en það er langt því frá að ég ætli eitthvað að fara að láta eins og ég sé í einhverju stríði við stjórn Keflavíkur. Þeir taka þessa ákvörðun og það skiptir svo sem engu hvað mér finnst um hana. Þó að ég sé ekki uppalinn Keflvíkingur þá hef ég verið 14 ár af mínum 47 í Keflavík og hef haft ákveðin gildi í mínu starfi sem ég tel mig hafa staðið vel við. Mér finnst það mikill heiður að hafa staðið í sporum Joe Hooley, Kjartans Mássonar, Guðna Kjartanssonar og fleiri goðsagna. Ég sé bara núna hvað lífið hefur upp á að bjóða næst og hvað mig langar að gera.“ Fengið mjög áhugaverð símtöl Eysteinn er áfram starfandi fyrir Keflavík, alla vega í bili, sem þjálfari í yngri flokkum og honum býðst að halda því áfram. „Ég hef verið svona „lúxusþjálfari“ í yngri flokkunum þar sem að meistaraflokkurinn hefur auðvitað gengið fyrir. Ég er aðeins að skoða mín mál. Ég er með fínt tilboð frá barna- og unglingaráði Keflavíkur en mig langar að halda mig aðeins við meistaraflokksþjálfunina og er að klára UEFA Pro gráðuna núna, í frábærum hópi. Ég er búinn að fá mjög áhugaverðar hringingar og er að hugsa málin, og reikna með að það verði klárt í næstu viku hvað ég geri,“ segir Eysteinn. Hann vill þó ekki gefa upp hvaða tilboð honum hafi borist: „Þetta er um allt land og á hinum ýmsu stigum fótboltans. Mér finnst fótboltinn mjög áhugaverður á öllum stigum og útiloka ekki neitt þegar það býðst að vinna við hann. Ég gæti þó alveg hugsað mér líka að prófa að gera eitthvað annað og hitta fjölskylduna oftar en 1-2 sinnum í viku í kvöldmat. Ég myndi því ekki kvíða því að gera eitthvað annað en fótboltinn hefur verið mín ástríða frá því áður en ég byrjaði að tala svo ég er að skoða allt mögulegt núna.“ Pepsi Max-deild karla Keflavík ÍF Mest lesið Þjálfari Íslendingaliðsins hné niður í úrslitaleiknum Handbolti Sjáðu magnaðar myndir úr klefa Stjörnumanna Körfubolti Uppgjörið: Tindastóll - Stjarnan 77-82 | Stjarnan er Íslandsmeistari Körfubolti Vinkonur ósáttar við ákvörðun Söru: „Við töluðumst ekki við í smátíma“ Fótbolti „Þakka Guði fyrir að leyfa mér að upplifa þetta“ Körfubolti „Körfuboltaguðirnir voru búnir að ákveða“ Körfubolti Amorim vildi ekki ræða framtíðina Fótbolti Valinn verðmætastur eftir besta tímabil í sögu félagsins Körfubolti Ægir valinn verðmætastur Körfubolti Sjáðu markið sem tryggði Tottenham titilinn Fótbolti Fleiri fréttir Vinkonur ósáttar við ákvörðun Söru: „Við töluðumst ekki við í smátíma“ Amorim vildi ekki ræða framtíðina „Okkur er alveg sama núna“ Sjáðu markið sem tryggði Tottenham titilinn Tottenham vann Evrópudeildina Sveindís til félags í eigu stórstjarna Játar sök vegna smygls á 60 kílóum af kannabisi Vázquez víkur fyrir Trent Flestir vonast eftir sigri Spurs í kvöld Bellingham þarf að fara í aðgerð Mikilvægasti leikur í sögu Man. Utd Yamal tekur við tíunni hjá Barcelona Kona Calvert-Lewin varð fyrir barðinu á netníðingum Þeir bestu ( 10.-9. sæti): Hörkutól með hæfileika Guardiola hótar að hætta „Að vinna Evrópudeildina mun ekki leysa öll okkar vandamál“ „Verð aldrei trúður“ „Manchester er heima“ Sveinn Aron skoraði, lagði upp og klúðraði vítaspyrnu Rómverjar vilja Nuno sem gæti verið ósáttur í Skírisskógi De Bruyne kvaddur með stæl „Finnst áran yfir þessu Þróttaraliði virkilega góð“ Frimpong í læknisskoðun hjá Liverpool og Kerkez í launaviðræðum Pepe Reina leggur hanskana á hilluna Beckham varar Manchester United við Áhyggjulaus yfir þátttöku landsliðskvenna á spennandi móti: „Þar til einhver meiðist“ Titilbaráttan ræðst á föstudag eða í úrslitaleik á mánudag Sigurður Breki viðbeinsbrotinn og frá í fjórar vikur Skemmtikrafturinn spilar ekki meira fyrir nýliðana Nýtt sjónarhorn færir Arnari fullnaðarsigur Sjá meira
Eysteinn er frá Egilsstöðum en hefur starfað fyrir Keflavík drjúgan hluta ævinnar, sem leikmaður og þjálfari. Hann var aðstoðarþjálfari meistaraflokks karla á árunum 2016-2018 og tók svo við sem aðalþjálfari á miðju tímabili 2018 – sumri sem Keflvíkingar vilja gleyma sem fyrst en þeir féllu þá úr efstu deild án þess að vinna leik: „Það var gríðarlega erfitt ár og mér datt eiginlega ekki í hug að ég yrði ráðinn áfram en ákvað samt að selja stjórninni mína hugmyndafræði og hélt fund með henni um það hvernig ég sæi fyrir mér framtíð Keflavíkur. Við höfum í rauninni algjörlega haldið okkur við þær hugmyndir að öllu leyti og erum að mínu mati á hárréttri leið, og þess vegna er pínu sérstakt að vera sagt upp núna,“ segir Eysteinn. Veit hvaða verki ég hef skilað Hann var sem sagt aðalþjálfari Keflavíkur í þrjár og hálfa leiktíð en síðustu tvær leiktíðir hafa þeir Sigurður Ragnar Eyjólfsson stýrt liðinu saman. Sigurður Ragnar er áfram þjálfari liðsins og hefur hann fengið Harald Frey Guðmundsson sem aðstoðarmann. En gekk samstarfið með Sigurði Ragnari þá ekki vel? „Ég sé enga ástæðu til að tjá mig um það. Ég tjáði mig bara um þetta við Sigga sjálfan, stjórnina og fólkið sem stendur í kringum mig en ég tel það alveg nóg. Ég veit hvaða verk ég hef lagt inn og er mjög sáttur við það,“ segir Eysteinn og bætir við: „Ég hef átt framúrskarandi samstarf við stjórnarmenn Keflavíkur og ætla ekki að fetta fingur út í það hvaða ákvörðun þeir taka. Þetta kom mér á óvart en það er langt því frá að ég ætli eitthvað að fara að láta eins og ég sé í einhverju stríði við stjórn Keflavíkur. Þeir taka þessa ákvörðun og það skiptir svo sem engu hvað mér finnst um hana. Þó að ég sé ekki uppalinn Keflvíkingur þá hef ég verið 14 ár af mínum 47 í Keflavík og hef haft ákveðin gildi í mínu starfi sem ég tel mig hafa staðið vel við. Mér finnst það mikill heiður að hafa staðið í sporum Joe Hooley, Kjartans Mássonar, Guðna Kjartanssonar og fleiri goðsagna. Ég sé bara núna hvað lífið hefur upp á að bjóða næst og hvað mig langar að gera.“ Fengið mjög áhugaverð símtöl Eysteinn er áfram starfandi fyrir Keflavík, alla vega í bili, sem þjálfari í yngri flokkum og honum býðst að halda því áfram. „Ég hef verið svona „lúxusþjálfari“ í yngri flokkunum þar sem að meistaraflokkurinn hefur auðvitað gengið fyrir. Ég er aðeins að skoða mín mál. Ég er með fínt tilboð frá barna- og unglingaráði Keflavíkur en mig langar að halda mig aðeins við meistaraflokksþjálfunina og er að klára UEFA Pro gráðuna núna, í frábærum hópi. Ég er búinn að fá mjög áhugaverðar hringingar og er að hugsa málin, og reikna með að það verði klárt í næstu viku hvað ég geri,“ segir Eysteinn. Hann vill þó ekki gefa upp hvaða tilboð honum hafi borist: „Þetta er um allt land og á hinum ýmsu stigum fótboltans. Mér finnst fótboltinn mjög áhugaverður á öllum stigum og útiloka ekki neitt þegar það býðst að vinna við hann. Ég gæti þó alveg hugsað mér líka að prófa að gera eitthvað annað og hitta fjölskylduna oftar en 1-2 sinnum í viku í kvöldmat. Ég myndi því ekki kvíða því að gera eitthvað annað en fótboltinn hefur verið mín ástríða frá því áður en ég byrjaði að tala svo ég er að skoða allt mögulegt núna.“
Pepsi Max-deild karla Keflavík ÍF Mest lesið Þjálfari Íslendingaliðsins hné niður í úrslitaleiknum Handbolti Sjáðu magnaðar myndir úr klefa Stjörnumanna Körfubolti Uppgjörið: Tindastóll - Stjarnan 77-82 | Stjarnan er Íslandsmeistari Körfubolti Vinkonur ósáttar við ákvörðun Söru: „Við töluðumst ekki við í smátíma“ Fótbolti „Þakka Guði fyrir að leyfa mér að upplifa þetta“ Körfubolti „Körfuboltaguðirnir voru búnir að ákveða“ Körfubolti Amorim vildi ekki ræða framtíðina Fótbolti Valinn verðmætastur eftir besta tímabil í sögu félagsins Körfubolti Ægir valinn verðmætastur Körfubolti Sjáðu markið sem tryggði Tottenham titilinn Fótbolti Fleiri fréttir Vinkonur ósáttar við ákvörðun Söru: „Við töluðumst ekki við í smátíma“ Amorim vildi ekki ræða framtíðina „Okkur er alveg sama núna“ Sjáðu markið sem tryggði Tottenham titilinn Tottenham vann Evrópudeildina Sveindís til félags í eigu stórstjarna Játar sök vegna smygls á 60 kílóum af kannabisi Vázquez víkur fyrir Trent Flestir vonast eftir sigri Spurs í kvöld Bellingham þarf að fara í aðgerð Mikilvægasti leikur í sögu Man. Utd Yamal tekur við tíunni hjá Barcelona Kona Calvert-Lewin varð fyrir barðinu á netníðingum Þeir bestu ( 10.-9. sæti): Hörkutól með hæfileika Guardiola hótar að hætta „Að vinna Evrópudeildina mun ekki leysa öll okkar vandamál“ „Verð aldrei trúður“ „Manchester er heima“ Sveinn Aron skoraði, lagði upp og klúðraði vítaspyrnu Rómverjar vilja Nuno sem gæti verið ósáttur í Skírisskógi De Bruyne kvaddur með stæl „Finnst áran yfir þessu Þróttaraliði virkilega góð“ Frimpong í læknisskoðun hjá Liverpool og Kerkez í launaviðræðum Pepe Reina leggur hanskana á hilluna Beckham varar Manchester United við Áhyggjulaus yfir þátttöku landsliðskvenna á spennandi móti: „Þar til einhver meiðist“ Titilbaráttan ræðst á föstudag eða í úrslitaleik á mánudag Sigurður Breki viðbeinsbrotinn og frá í fjórar vikur Skemmtikrafturinn spilar ekki meira fyrir nýliðana Nýtt sjónarhorn færir Arnari fullnaðarsigur Sjá meira