Áætlun Biden felur í sér stærstu fjárfestingu í loftslagsaðgerðum í sögu Bandaríkjanna Kjartan Kjartansson skrifar 29. október 2021 11:56 Joe Biden Bandaríkjaforseti með Nancy Pelosi, forseta fulltrúadeildarinnar (f.m). Þau hafa háð harða baráttu til að afla nægilegs stuðnings innan þingliðs Demókrataflokksins við tvö risavaxin frumvörp til að fjármagna helstu stefnumál Biden og flokksins. AP/Susan Walsh Frumvarp sem Hvíta húsið kynnti í gær felur í sér stærstu fjárfestingu í endurnýjanlegum orkugjöfum í sögu Bandaríkjanna. Enn liggur þó ekki fyrir hvort að samstaða náist innan Demókrataflokkinn um frumvarpið. Kveðið er á um að 555 milljarðar dollara, jafnvirði meira en 71.500 milljarða íslenskra króna, skuli varið í skattaívilnanir og styrki til að styðja endurnýjanlega orkugjafa og draga úr losun gróðurhúsalofttegunda sem valda loftslagsbreytingum í frumvarpinu sem nefnist „Byggjum aftur betur“. Hvíta húsið kynnti að „sögulegt“ samkomulag hefði náðst um það en það hefur þó ekki verið birt í heild sinni ennþá. Washington Post hefur eftir Carol Browner, fyrrverandi loftslagsráðgjafa Baracks Obama, að fjárfestingin í endurnýjanlegri orku væri sex sinnum meiri en í aðgerðapakka Obama eftir efnahagskreppuna árið 2009 sem þá var talin afar umfangsmikil. Tillögur Biden hafa þó verið töluvert útvatnaðar frá upphaflegum drögum þeirra. Þannig féll Hvíta húsið frá ákvæðum sem hefðu lagt kvaðir á herðar orkugeiranum. Engu að síður reiknar það með því að verði frumvarpið að lögum dragist losun Bandaríkjanna saman um einn sjötta. Framtíð frumvarpsins er þó enn óljós því Biden þarf að reiða sig á stuðning nær alls þingliðs demókrata. Hann hitti fulltrúadeildarþingmenn flokksins á lokuðum fundi í gær og biðlaði til þess að veita frumvarpinu brautargengi. „Það mun breyta lífi milljóna manna í grundvallaratriðum til þess betra,“ sagði Biden, að sögn AP-fréttastofunnar. Lækkar verð á sólarorku fyrir heimili og rafbílum Frumvarpið á að lækka kostnað við að setja upp sólarsellur á húsþökum um tæpan þriðjung og veita framleiðendum rafbíla auknar skattaívilnanir. Þær ívilnanir eiga að lækka verð á rafbílum um allt að 12.500 dollara, jafnvirði um 1,6 milljóna íslenskra króna, fyrir miðstéttarfjölskyldur. Tekjuhærra fólk fengi minni ívilnanir. Þá geta framleiðendur bíla sótt ívilnanirnar þannig að rafbílakaupendur greiði lægra verð fyrir þá strax hjá umboði og þurfi ekki að bíða þar til skattar eru gerðir upp. Gert er ráð fyrir að hluti fjárins í frumvarpinu færi í að setja á fót borgaralega loftslagssveit allt að 300.000 ungmenna sem ynni við að endurheimta skóga, votlendi og verjast áhrif hnattrænnar hlýnunar. Joe Manchin kemur frá Vestur-Virginíu þar sem kolavinnsla hefur lengi verið undirstöðuatvinnuvegur. Hann á sjálfur hlut í jarðefnaeldsneytisiðnaði. Manchin hefur í reynd haft neitunarvald yfir loftslagsstefnu Biden forseta vegna tæps meirihluta demókrata í þinginu.AP/Andrew Harnik Óljós framtíð Demókratar hafa um margra vikna skeið þrætt innbyrðis um tvö risavaxin frumvörp til að hrinda helstu stefnumálum Joes Biden forseta í framkvæmd. Annars vegar er frumvarp um einnar billjónar dollara innviðauppbyggingu sem öldungadeildin hefur þegar samþykkt og hins vegar 1,75 billjón dollara frumvarp um útgjöld til loftslagsaðgerða og velferðarmála. Það hefur reynst flókið þar sem demókratar hafa nauman meirihluta í fulltrúadeildinni en í öldungadeildinni eru flokkarnir með jafnmarga þingmenn þar. Kamala Harris, varaforseti, getur greitt úrslitaatkvæði ef atkvæði falla jöfn í öldungadeildinni og því fara demókratar í reynd með meirihluta þar. Tveir íhaldssamir þingmenn demókrata, þau Joe Manchin frá kolaríkinu Vestur-Virginíu, og Kyrsten Sinema frá Arisóna, neituðu að samþykkja upphaflegar útgáfur frumvarpanna sem gerðu ráð fyrir mun meiri útgjöldum til ýmssa velferðarmála. Vegna andstöðu þeirra hafa frumvörpin tvö verið skorin verulega við nögl. Nú er ekki lengur gert ráð fyrir svonefndu fjölskylduorlofi eða ákvæðum til að lækka verð á lyfseðilsskyldum lyfjum. Af þessum sökum hafa vinstrisinnaðri þingmenn demókrata í fulltrúadeildinni ekki viljað skuldbinda sig til að samþykkja núverandi útgáfu frumvarpsins þar til þeir hafa fengið að sjá hvað stendur nákvæmlega í því þó að þeir styðji samkomulagið um það. Þess í stað vilja þeir bíða með að samþykkja innviðafrumvarpið sem Manchin og Sinema styðja þar til þau fallast á að greiða atkvæði með loftslags- og velferðarfrumvarpinu. Ekki er ljóst hvort að þau geri það. „Ég hlakka til að koma þessu í gegn,“ sagði Sinema. Manchin segir málin hins vegar í höndum fulltrúadeildarinnar. Ekki hefur enn verið sett nein tímasetning á atkvæðagreiðslu um frumvörpin. Því er ekki ljóst hvort að Biden geti hreykt sér af nýjum loftslagsaðgerðum þegar hann ávarpar loftslagsráðstefnu Sameinuðu þjóðanna í Glasgow í næstu viku. Bandaríkin Joe Biden Loftslagsmál Tengdar fréttir Biden sækir G20-fund og hittir páfann fyrir loftslagsráðstefnuna Joe Biden Bandaríkjaforseti er kominn til Evrópu þar sem hann verður viðstaddur tvo fundi á næstu dögum. Forsetinn byrjar í Róm þar sem G20 ríkin hittast til að ræða skattamál og þá mun hann hitta Frans Páfa í Vatíkaninu en Biden er aðeins annar kaþólikkinn í sögu Bandaríkjanna sem sest á forsetastól. 29. október 2021 07:01 Loftslagsáætlun Bidens í vanda Metnaðarfull loftslagsaðgerðaáætlun Joes Biden Bandaríkjaforseta virðist vera að sigla í strand. Fjármögnun orkuskipta, sem var einn burðarstólpa áætlunarinnar, verður líklega felld út úr fjárlagafrumvarpi sem nú er í meðferð í öldungadeild Bandaríkjaþings. 16. október 2021 12:58 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Krefjast skýringa á brotthvarfi Maríu Sigrúnar Innlent Halla Hrund mælist með mest fylgi allra frambjóðenda Innlent Mótmælendur fengu óvæntan liðstyrk frá Hollywood Innlent Landsréttur komi fram við ákæruvaldið eins og lítið barn Innlent Ætlar í aðra undirskriftasöfnun Innlent Húsráðendum tókst að ráða niðurlögum elds í þakskyggni Innlent María Sigrún látin fara úr Kveik Innlent „Ef ég get flogið þremur gerðum af þyrlum þá get ég tekið ákvörðun fyrir þjóðina“ Innlent Veisluhöld forseta séu barns síns tíma Innlent Svona var Pallborðið með Arnari Þór, Ásdísi Rán og Ástþóri Innlent Fleiri fréttir Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Hættu við umfangsmiklar árásir á Íran Sjá meira
Kveðið er á um að 555 milljarðar dollara, jafnvirði meira en 71.500 milljarða íslenskra króna, skuli varið í skattaívilnanir og styrki til að styðja endurnýjanlega orkugjafa og draga úr losun gróðurhúsalofttegunda sem valda loftslagsbreytingum í frumvarpinu sem nefnist „Byggjum aftur betur“. Hvíta húsið kynnti að „sögulegt“ samkomulag hefði náðst um það en það hefur þó ekki verið birt í heild sinni ennþá. Washington Post hefur eftir Carol Browner, fyrrverandi loftslagsráðgjafa Baracks Obama, að fjárfestingin í endurnýjanlegri orku væri sex sinnum meiri en í aðgerðapakka Obama eftir efnahagskreppuna árið 2009 sem þá var talin afar umfangsmikil. Tillögur Biden hafa þó verið töluvert útvatnaðar frá upphaflegum drögum þeirra. Þannig féll Hvíta húsið frá ákvæðum sem hefðu lagt kvaðir á herðar orkugeiranum. Engu að síður reiknar það með því að verði frumvarpið að lögum dragist losun Bandaríkjanna saman um einn sjötta. Framtíð frumvarpsins er þó enn óljós því Biden þarf að reiða sig á stuðning nær alls þingliðs demókrata. Hann hitti fulltrúadeildarþingmenn flokksins á lokuðum fundi í gær og biðlaði til þess að veita frumvarpinu brautargengi. „Það mun breyta lífi milljóna manna í grundvallaratriðum til þess betra,“ sagði Biden, að sögn AP-fréttastofunnar. Lækkar verð á sólarorku fyrir heimili og rafbílum Frumvarpið á að lækka kostnað við að setja upp sólarsellur á húsþökum um tæpan þriðjung og veita framleiðendum rafbíla auknar skattaívilnanir. Þær ívilnanir eiga að lækka verð á rafbílum um allt að 12.500 dollara, jafnvirði um 1,6 milljóna íslenskra króna, fyrir miðstéttarfjölskyldur. Tekjuhærra fólk fengi minni ívilnanir. Þá geta framleiðendur bíla sótt ívilnanirnar þannig að rafbílakaupendur greiði lægra verð fyrir þá strax hjá umboði og þurfi ekki að bíða þar til skattar eru gerðir upp. Gert er ráð fyrir að hluti fjárins í frumvarpinu færi í að setja á fót borgaralega loftslagssveit allt að 300.000 ungmenna sem ynni við að endurheimta skóga, votlendi og verjast áhrif hnattrænnar hlýnunar. Joe Manchin kemur frá Vestur-Virginíu þar sem kolavinnsla hefur lengi verið undirstöðuatvinnuvegur. Hann á sjálfur hlut í jarðefnaeldsneytisiðnaði. Manchin hefur í reynd haft neitunarvald yfir loftslagsstefnu Biden forseta vegna tæps meirihluta demókrata í þinginu.AP/Andrew Harnik Óljós framtíð Demókratar hafa um margra vikna skeið þrætt innbyrðis um tvö risavaxin frumvörp til að hrinda helstu stefnumálum Joes Biden forseta í framkvæmd. Annars vegar er frumvarp um einnar billjónar dollara innviðauppbyggingu sem öldungadeildin hefur þegar samþykkt og hins vegar 1,75 billjón dollara frumvarp um útgjöld til loftslagsaðgerða og velferðarmála. Það hefur reynst flókið þar sem demókratar hafa nauman meirihluta í fulltrúadeildinni en í öldungadeildinni eru flokkarnir með jafnmarga þingmenn þar. Kamala Harris, varaforseti, getur greitt úrslitaatkvæði ef atkvæði falla jöfn í öldungadeildinni og því fara demókratar í reynd með meirihluta þar. Tveir íhaldssamir þingmenn demókrata, þau Joe Manchin frá kolaríkinu Vestur-Virginíu, og Kyrsten Sinema frá Arisóna, neituðu að samþykkja upphaflegar útgáfur frumvarpanna sem gerðu ráð fyrir mun meiri útgjöldum til ýmssa velferðarmála. Vegna andstöðu þeirra hafa frumvörpin tvö verið skorin verulega við nögl. Nú er ekki lengur gert ráð fyrir svonefndu fjölskylduorlofi eða ákvæðum til að lækka verð á lyfseðilsskyldum lyfjum. Af þessum sökum hafa vinstrisinnaðri þingmenn demókrata í fulltrúadeildinni ekki viljað skuldbinda sig til að samþykkja núverandi útgáfu frumvarpsins þar til þeir hafa fengið að sjá hvað stendur nákvæmlega í því þó að þeir styðji samkomulagið um það. Þess í stað vilja þeir bíða með að samþykkja innviðafrumvarpið sem Manchin og Sinema styðja þar til þau fallast á að greiða atkvæði með loftslags- og velferðarfrumvarpinu. Ekki er ljóst hvort að þau geri það. „Ég hlakka til að koma þessu í gegn,“ sagði Sinema. Manchin segir málin hins vegar í höndum fulltrúadeildarinnar. Ekki hefur enn verið sett nein tímasetning á atkvæðagreiðslu um frumvörpin. Því er ekki ljóst hvort að Biden geti hreykt sér af nýjum loftslagsaðgerðum þegar hann ávarpar loftslagsráðstefnu Sameinuðu þjóðanna í Glasgow í næstu viku.
Bandaríkin Joe Biden Loftslagsmál Tengdar fréttir Biden sækir G20-fund og hittir páfann fyrir loftslagsráðstefnuna Joe Biden Bandaríkjaforseti er kominn til Evrópu þar sem hann verður viðstaddur tvo fundi á næstu dögum. Forsetinn byrjar í Róm þar sem G20 ríkin hittast til að ræða skattamál og þá mun hann hitta Frans Páfa í Vatíkaninu en Biden er aðeins annar kaþólikkinn í sögu Bandaríkjanna sem sest á forsetastól. 29. október 2021 07:01 Loftslagsáætlun Bidens í vanda Metnaðarfull loftslagsaðgerðaáætlun Joes Biden Bandaríkjaforseta virðist vera að sigla í strand. Fjármögnun orkuskipta, sem var einn burðarstólpa áætlunarinnar, verður líklega felld út úr fjárlagafrumvarpi sem nú er í meðferð í öldungadeild Bandaríkjaþings. 16. október 2021 12:58 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Krefjast skýringa á brotthvarfi Maríu Sigrúnar Innlent Halla Hrund mælist með mest fylgi allra frambjóðenda Innlent Mótmælendur fengu óvæntan liðstyrk frá Hollywood Innlent Landsréttur komi fram við ákæruvaldið eins og lítið barn Innlent Ætlar í aðra undirskriftasöfnun Innlent Húsráðendum tókst að ráða niðurlögum elds í þakskyggni Innlent María Sigrún látin fara úr Kveik Innlent „Ef ég get flogið þremur gerðum af þyrlum þá get ég tekið ákvörðun fyrir þjóðina“ Innlent Veisluhöld forseta séu barns síns tíma Innlent Svona var Pallborðið með Arnari Þór, Ásdísi Rán og Ástþóri Innlent Fleiri fréttir Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Hættu við umfangsmiklar árásir á Íran Sjá meira
Biden sækir G20-fund og hittir páfann fyrir loftslagsráðstefnuna Joe Biden Bandaríkjaforseti er kominn til Evrópu þar sem hann verður viðstaddur tvo fundi á næstu dögum. Forsetinn byrjar í Róm þar sem G20 ríkin hittast til að ræða skattamál og þá mun hann hitta Frans Páfa í Vatíkaninu en Biden er aðeins annar kaþólikkinn í sögu Bandaríkjanna sem sest á forsetastól. 29. október 2021 07:01
Loftslagsáætlun Bidens í vanda Metnaðarfull loftslagsaðgerðaáætlun Joes Biden Bandaríkjaforseta virðist vera að sigla í strand. Fjármögnun orkuskipta, sem var einn burðarstólpa áætlunarinnar, verður líklega felld út úr fjárlagafrumvarpi sem nú er í meðferð í öldungadeild Bandaríkjaþings. 16. október 2021 12:58