Innlent

Opna netspjall fyrir þá sem vilja flytja inn hund eða kött

Hólmfríður Gísladóttir skrifar
Allt að fara í hund og kött!
Allt að fara í hund og kött!

Matvælastofnun hefur opnað netspjall og reiknivél til að auðvelda einstaklingum undirbúning innflutnings hunda og katta. Frá þessu er greint á vef MAST.

Á netspjallinu verður spurningum um inn- og útflutning hunda og katta svarað en reiknivélin tekur mið af útflutningslandi og komudegi og birtir tímasetta áætlun um bólusetningar, sýnatökur og önnur heilbrigðisskilyrði.

Leiðbeiningar um innflutning hafa verð uppfærðar og settar í þrep til að leiða innflytjendur í gegnum ferlið skref fyrir skref, segir á vef MAST.

„Netspjallið er eingöngu birt á efnissíðum á vef Matvælastofnunar um inn- og útflutning hunda og katta og eingöngu sýnilegt á opnunartíma stofnunarinnar virka daga kl. 9-12 og 13-15. Inn- og útflytjendur sem hafa samband við stofnunina símleiðis verður vísað á netspjallið. Utan opnunartíma er hægt að beina fyrirspurnum um inn- og útflutning gæludýra á netfangið petimport@mast.is.“

Upplýsingasíða MAST fyrir  gæludýraeigendur.

Gæludýr Hundar Kettir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið