Innlent

66 greindust með kórónu­veiruna í gær

Atli Ísleifsson skrifar
592 eru nú í einangrun vegna Covid-19, en voru 562 í gær.
592 eru nú í einangrun vegna Covid-19, en voru 562 í gær. Vísir/Vilhelm

66 greindust með kórónuveiruna innanlands í gær. 38 þeirra sem greindust innanlands í gær voru í sóttkví við greiningu, eða 58 prósent. 28 voru utan sóttkvíar, eða 42 prósent.

Þetta kemur fram í uppfærðum tölum á vefnum covid.is.

592 eru nú í einangrun vegna Covid-19, en voru 562 í gær. 1439 eru nú í sóttkví, en voru 1.564 í gær. 284 eru nú í skimunarsóttkví.

Átta eru nú á sjúkrahúsi vegna Covid-19, en voru sjö í gær. Enginn er á gjörgæslu vegna Covid-19 að því er segir á vef Landspítans. Allir inniliggjandi eru fullorðnir og er meðalaldur þeirra 56 ár.

Átta smit kom upp á landamærunum í gær – sjö virk smit í fyrri landamæraskimun og þá mældist einn með mótefni.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 186,0, en var 180,0 í gær. Nýgengi á smiti á landamærum er nú 15,5, en var 13,9 í gær.

Tekin voru 1.078 einkennasýni í gær, 1.239 sýni á landsmærum og þá greindust 525 í svokallaðri sóttkvíar- og handahófsskimun.

Alls hafa 12.775 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 33 andlát verið rakin til Covid-19 hér á landi frá upphafi faraldursins.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×