Innlent

Frið­rik krón­prins til Ís­lands í dag

Atli Ísleifsson skrifar
Friðrik, krónprins Danmerkur, mun meðal annars heimsækja Hellisheiðarvirkjun og danska varðskipið HDMS Triton sem liggur nú við höfn í Reykjavík.
Friðrik, krónprins Danmerkur, mun meðal annars heimsækja Hellisheiðarvirkjun og danska varðskipið HDMS Triton sem liggur nú við höfn í Reykjavík. Getty

Friðrik, krónprins Dana, og utanríkisráðherrann Jeppe Kofod koma til Íslands í dag ásamt fulltrúar ellefu danskra fyrirtækja og stofnana til að styðja við bakið á samstarfi Danmerkur og Íslands á sviði viðskipta og sér í lagi á sviði sjálfbærra orkulausna.

Heimsókn krónprinsins, utanríkisráðherrans og annarra í dönsku sendinefndinni stendur í tvo daga.

Sendinefndin mun meðal annars funda með Guðna Th. Jóhannessyni, forseta Íslands, íslenskum ráðherrum og aðilum í íslensku atvinnulífi. Mun krónprinsinn og föruneyti hans meðal annars heimsækja Hellisheiðarvirkjun og danska varðskiptið HDMS Triton sem liggur nú við höfn í Reykjavík.

Krónprinsinn snýr aftur heim til Danmerkur á morgun, en Kofod mun svo sækja ráðstefnuna Hringborð norðurslóða í Hörpu þar sem hann flytur ræðu á fyrsta degi ráðstefnunnar.

Þau dönsku fyrirtæki sem senda fulltrúa til landsins eru Vestas, Siemens Gamesa, Haldor Topsøe, Hitachi ABB Power Grids Denmark, Copenhagen Infrastructure Partners, Kamstrup, NKT, Burmeister & Wain Scandinavian Contractor, Per Aarsleff, Nukissiorfiit og State of Green.

Íslandsvinir Danmörk Kóngafólk Orkumál

Mest lesið


Fleiri fréttir

Sjá meira


×

Mest lesið