Innlent

Telja öll atkvæði aftur í Norðvesturkjördæmi

Kjartan Kjartansson skrifar
Frá Borgarnesi þar sem atkvæði Norðvesturkjördæmis eru talin.
Frá Borgarnesi þar sem atkvæði Norðvesturkjördæmis eru talin. Vísir/Vilhelm

Öll atkvæði í Norðvesturkjördæmi verða talin aftur vegna þess hversu lítill munur var á jöfnunarþingmönnum á milli kjördæma. Yfirmaður kjörstjórnar þar segir að við endurtalninguna gætu orðið hreyfingar á jöfnunarsætum flokka.

Ingi Tryggvason, yfirmaður kjörstjórnar í Norðvesturkjördæmi, segir að kjörstjórn hafi ákveðið að telja atkvæðin aftur vegna lítils munar. Enginn flokkur hafi farið fram á endurtalningu.

„Við ákváðum þegar við sáum að það væri lítill munur að við myndum endurtelja. Við viljum bara útiloka það að þetta sé ekki í lagi,“ segir hann við Vísi. 

Atkvæði hafi verið talin aftur að hluta í öðrum kjördæmum en Ingi hafði ekki upplýsingar um í hvaða kjördæmum.

Hann segist bíða eftir talningarfólki. Endurtalningin ætti að taka tvær til þrjár klukkustundir.

Býst hann ekki við að endurtalningin hafi áhrif á hversu marga þingmenn flokkarnir fá en að hún gæti víxlað jöfnunarsætum á milli kjördæma.

Guðmundur Gunnarsson, oddviti Viðreisnar, er jöfnunarþingmaður í Norðvesturkjördæmi miðað við þær tölur sem hafa verið birtar.

Fréttin verður uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×