Innlent

Tuttugu og fimm greindust innanlands

Kjartan Kjartansson skrifar
Á bilinu 20-30 manns hafa greinst með kórónuveiruna daglega að undanförnu.
Á bilinu 20-30 manns hafa greinst með kórónuveiruna daglega að undanförnu. Vísir/Vilhelm

Tuttugu og fimm manns greindust smitaðir af kórónuveirunni innanlands í gær. Rúmlega þrjú hundruð manns eru nú í einangrun með Covid-19, tæplega fimmtíu færri en fyrir helgi.

Af þeim sem greindust smitaðir í gær voru ellefu í sóttkví við greiningu en fjórtán utan sóttkvíar, að því er kemur fram á Covid.is, upplýsingavef landlæknis og almannavarna.

Nítján greindust smitaðir á laugardag (fimm í sóttkví en fjórtán utan sóttkvíar) og 23 á föstudag (ellefu í sóttkví en tólf utan).

Nú eru 309 manns í einangrun og 992 í sóttkví. Fólki í sóttkví hefur fjölgað um meira en tvö hundruð frá því á fimmtudag. Þá eru 296 í skimunarsóttkví.

Níu manns eru enn á sjúkrahúsi og tveir á gjörgæslu. Þórólfur Guðnason, sóttvarnalæknir, sagði í útvarpsviðtali í morgun að tveir hefðu verið í öndunarvél fyrir helgi, einn á fertugsaldri en annar eldri.

Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið