Egill fékk að velja þema þáttarins og þar sem hann valdi Tenerife settu þeir á þennan strandarbakgrunn og klæddu sig í skyrtur.
Hlustendur FM95BLÖ og BLÖKASTSINS vita að Steindi hefur farið óvenju oft í Covid próf. Hann má varla hnerra og þá er hann farinn í próf svo strákunum datt í hug að testa hann í þættinum þar var eitthvað slappur. Taka skal fram að Steindi hefur aldrei greinst með Covid.
Í meðfylgjandi klippu má sjá þá Egil og Auðunn taka Covid-19 heimapróf á Steinda. Þátturinn er kominn út og geta áhorfendur horft á hann í heild sinni á vef Tal hér á Vísi.
Blökastið er áskriftarhlaðvarp með Audda, Steinda og Agli úr útvarpsþættinum FM95BLÖ. Þar fá aðdáendur útvarpsþáttarins fjóra auka þætti í mánuði í formi hlaðvarps, ásamt skemmtilegu aukaefni. Þættirnir koma út alla þriðjudaga og strákarnir verða einnig af og til í mynd og stundum í beinni útsendingu frá hinum og þessum stöðum.
Hver veit nema þeir geti loksins upplifað draum sinn og verið í beinni útsendingu frá Harrah´s hótelinu í Atlantic City. Maður má nú láta sig dreyma.
„Áskriftin kostar jafn mikið og einn bjór, eða einn bragðarefur, eða nokkur rakvélblöð. Svo það er engin afsökun að hlusta ekki,“ segja þeir um Blökastið.
Nánari upplýsingar má finna á síðu Blökastsins hér á Vísi.
