Innlent

Ráðhús Reykjavíkur vaktað

Gunnar Reynir Valþórsson skrifar
Ráðhúsið.
Ráðhúsið. Vísir/Vilhelm

Lögreglan mun hafa vaktað Ráðhús Reykjavíkur á meðan á borgarstjórnarfundi stóð þar síðasta þriðjudag.

Frá þessu er greint í Fréttablaðinu í dag en ástæða þess er sögð vera áreiti sem varaborgarfulltrúi Miðflokksins varð fyrir. 

Heimildir blaðsins herma að sá sem áreitti varaborgarfulltrúann sé sá sami og grunaður er um að hafa skotið á bíl Dags B. Eggertssonar borgarstjóra og á skrifstofur stjórnmálaflokka fyrr á árinu. 

Á meðan á fundinum stóð var borgarfulltrúum tilkynnt að þeir mættu ekki fara einir úr húsi að loknum fundi. Varaborgarfulltrúinn, Baldur Borgþórsson, vildi ekki tjá sig um málið þegar eftir því var leitað en hann staðfesti þó við Fréttablaðið að málið sé í ferli.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×