Veður

Rigning, suð­lægir vindar og milt í dag

Atli Ísleifsson skrifar
Hiti á landinu verður á bilinu níu til fimmtán stig í dag.
Hiti á landinu verður á bilinu níu til fimmtán stig í dag. Vísir/Vilhelm

Landsmenn mega búast við rólegheitaveðri í byrjun annarrar viku septembermánaðar. Almennt hægir suðlægir vindar og milt í dag, dálítil rigning eða súld, einkum sunnan og vestan til, en vestlægari og styttir víða upp með kvöldinu.

Á vef Veðurstofunnar segir að hiti verði á bilinu níu til fimmtán stig þar sem hlýjast verður fyrir austan.

„Hæg norðlæg eða breytileg átt og smá skúrir á morgun, en kólnar á Norður- og Austurlandi. Fremur hæg vestlæg átt á miðvikudag og stöku skúrir, en bjart með köflum eystra og hlýnar aftur.“

Spákortið fyrir klukkan 14 í dag.Veðurstofan

Veðurhorfur á landinu næstu daga

Á þriðjudag: Norðlæg eða breytileg átt, 3-8 m/s og víða dálitlar skúrir. Hiti 6 til 13 stig, mildast sunnan heiða.

Á miðvikudag: Suðvestan 3-10 m/s og stöku skúrir S- og V-lands, en annars yfirleitt léttskýjað. Hiti 8 til 14 stig.

Á fimmtudag og föstudag: Hæg suðvestlæg eða breytileg átt og bjart með köflum, en lítilsháttar væta við S- og V-ströndina. Milt veður.

Á laugardag: Hægir vindar og skúrir á víð og dreif, en fremur milt að deginum.

Á sunnudag: Útlit fyrir vaxandi suðaustanátt með rigningu S- og V-lands og hlýnandi veðri.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.