Fótbolti

Harðkjarna stuðningmenn Gautaborgar krefjast þess að félagið losi sig við Kolbein

Ingvi Þór Sæmundsson skrifar
Gautaborgar ultras voru með skýr skilaboð til stjórnar félagsins: riftið samningi Kolbeins Sigþórssonar.
Gautaborgar ultras voru með skýr skilaboð til stjórnar félagsins: riftið samningi Kolbeins Sigþórssonar. Ultras Göteborg

Hörðustu stuðningsmenn Gautaborgar, Ultras, krefjast þess að félagið rifti samningi sínum við Kolbein Sigþórsson.

Stuðningsmennirnir hengdu upp borða fyrir utan æfingasvæði Gautaborgar þar sem þeir spyrja félagið hvort það ætli að velja á milli hans eða stuðningsmannanna.

Kolbeinn sendi frá sér yfirlýsingu í gær þar sem hann sagðist ekki kannast við að hafa áreitt Þórhildi Gyðu Arnarsdóttur og vinkonu hennar haustið 2017. Hann sagði hegðun sína samt ekki hafa verið til fyrirmyndar og bað hann því konurnar afsökunar.

Í samtali við Vísi eftir að yfirlýsing Kolbeins barst sagðist Þórhildur harma það að hann saki hana um lygar. 

Hún steig fram í viðtali hjá RÚV í síðustu viku þar sem hún greindi frá því að hafa verið beitt kynferðislegu ofbeldi af landsliðsmanni í fótbolta haustið 2017. Þórhildur greindi þar frá að hún hafi náð sátt við fótboltamanninn og hann hafi greitt henni miskabætur.

Þórhildi var hins vegar nóg boðið eftir að Guðni Bergsson, þáverandi formaður KSÍ, sagði í Kastljósi að ekkert kynferðisafbrotamál hefði komið inn á borð sambandsins. Guðni hætti sem formaður KSÍ á sunnudaginn. Sama dag var greint frá því að Kolbeinn hefði verið tekinn út úr landsliðshópnum. Það var ákvörðun stjórnar KSÍ.

Gautaborg fordæmdi hegðun Kolbeins en ákvað að rifta ekki samningi hans við félagið. Kolbeinn samdi við Gautaborg í janúar á þessu ári.


Tengdar fréttir

Harmar það að Kol­beinn saki hana um lygar

Þórhildur Gyða Arnarsdóttir segist harma það að Kolbeinn Sigþórsson, knattspyrnumaður, saki hana um lygar í yfirlýsingu sem hann sendi frá sér fyrir stuttu.

Kannast hvorki við að hafa beitt konurnar of­beldi né á­reitt

Kolbeinn Sigþórsson, knattspyrnumaður, hefur sent frá sér yfirlýsingu vegna ásakana sem Þórhildur Gyða Arnarsdóttir hefur borið á hann. Hann segist ekki kannast við að hafa áreitt hana eða vinkonu hennar og neitar sök. Hegðun hans hafi hins vegar ekki verið til fyrirmyndar og hann beðið konurnar afsökunar.

Styrkja baráttuna gegn kynferðisofbeldi og vilja að Kolbeinn sýni iðrun

„Við gerum okkur grein fyrir því að margir telja leikmanninn ekki lengur verðskulda að spila fyrir IFK Gautaborg,“ segir í yfirlýsingu stuðningsmannaklúbbs IFK Gautaborgar vegna máls Kolbeins Sigþórssonar. Stuðningsmennirnir hafa ákveðið að styrkja samtök sem berjast gegn kynferðisofbeldi.

Í­huga að rifta samningi Kol­beins

Gautaborg, lið Kolbeins Sigþórssonar í Svíþjóð, vill ekki tjá sig um framtíð leikmannsins hjá félaginu að svo stöddu. Håkan Mild, framkvæmdastjóri félagsins, segir stjórn þess nú vera ræða sín á milli hvað skuli gera í málinu.

Stjórn KSÍ tók Kol­bein út úr hópnum vegna miska­bóta­málsins

Brotthvarf Kolbeins Sigþórssonar úr íslenska landsliðshópnum í fótbolta var samkvæmt ákvörðun stjórnar KSÍ. Kolbeinn er leikmaðurinn sem greiddi Þórhildi Gyðu Arnarsdóttur miskabætur eftir að hafa brotið á henni haustið 2017, samkvæmt heimildum Vísis. Rúnar Már Sigurjónsson dró sig sjálfur úr hópnum og eru tvær ástæður gefnar fyrir því í yfirlýsingu KSÍ.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.