Landhelgisgæslan vör við umferð þriggja rússneskra skipa

Þyrlur Landhelgisgæslunnar voru í tvígang sendar austur fyrir land til að bera kennsl á hin skipin tvö en athugun leiddi í ljós að um var að ræða rússnesk skip, öll á vegum rússneska flotans, þar af eitt olíuskip.

Þetta kemur fram í tilkynningu frá Landhelgisgæslunni. Tvö skipanna voru austan við landið og eitt á siglingu norður af landinu en öll þrjú voru utan landhelginnar. Áhafnir íslenskra fiskiskipa sýndu ferðum skipanna áhuga og tilkynntu um þær til Landhelgisgæslunnar.

Þrátt fyrir að skipin hafi verið innan efnahagslögsögunnar voru þau á alþjóðlegu hafsvæði með tilliti til siglinga og annarra athafna. Landhelgisgæslan fylgdist með ferðum skipanna sem yfirgáfu efnahagslögsöguna nokkrum dögum síðar, að því er fram kemur í tilkynningu.