Íslenski boltinn

Kórdrengir sækja að Eyjamönnum

Valur Páll Eiríksson skrifar
Kórdrengir voru að spila sinn fyrsta leik í þrjár vikur.
Kórdrengir voru að spila sinn fyrsta leik í þrjár vikur. Vísir/Hulda Margrét

Kórdrengir unnu 3-0 sigur á Þrótti Reykjavík í síðari leik kvöldsins í Lengjudeild karla í fótbolta. Allt stefnir í harða baráttu þeirra við ÍBV um sæti í Pepsi Max-deild karla að ári.

Kórdrengir voru að spila sinn fyrsta leik síðan 15. júlí, en leikmenn liðsins hafa verið í sóttkví síðan að smit greindist innan þeirra raða.

Þeir höfðu aðeins leikið tólf leiki fyror kvöldið, þremur minna en bæði Vestri og Fjölnir sem voru í sætunum fyrir ofan þá. Þróttur var í fallsæti, því ellefta í deildinni, með tíu stig, tveimur á eftir Selfossi fyrir ofan þá.

Sjálfsmark Hreins Inga Örnólfssonar snemma leiks kom Kórdrengjum í forystu og 1-0 stóð í hálfleik. Leonard Sigurðsson kom þeim 2-0 yfir með marki ellefu mínútum fyrir leikslok, áður en Magnús Andri Ólafsson innsiglaði 3-0 sigur þeirra í uppbótartíma.

Kórdrengir eru eftir sigurinn með 25 stig í þriðja sæti deildarinnar, jafnir Vestra að stigum eftir sigur þeirra fyrr í kvöld. Kórdrengir hafa hins vegar leikið 13 leiki gegn 15 leikjum Vestra og þá eiga þeir einn leik inni á ÍBV sem er í öðru sæti. ÍBV er fjórum stigum á undan Kórdrengjum með 29 stig, og eiga þeir leik við botnlið Víkings frá Ólafsvík á morgun.

Þróttur er sem fyrr með tíu stig í ellefta sæti.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.