Kviknaði í fólksbíl á leið inn í Hvalfjarðargöngin

Kolbeinn Tumi Daðason skrifar 5. ágúst 2021 15:07

Frá störfum slökkviliðs á vettvangi. Aðsend

Ökumaður slapp með skrekkinn þegar kviknaði í fólksbíl hans á leið inn í Hvalfjarðargöngin að norðanverðu á þriðja tímanum í dag. Slökkvilið er að ljúka störfum á staðnum.

Jens Heiðar Ragnarsson slökkviliðsstjóri segir ekki vitað hvað olli brunanum. Um sé að ræða fólksbíl sem sé kominn nokkuð til ára sinna. Ökumaður hafi verið einn í bílnum, komið sér út úr bílnum og komið bílnum út í kant.

Sem betur fer hafi kviknað í bílnum áður en hann var kominn inn í göngin, að sögn Jens. Umferð í norðurátt hefur gengið eðlilega fyrir sig en loka þurfti fyrir umferð að norðan tímabundið.

Unnið er að því að malbika nokkur útskot undir Akrafjalli, milli Hvalfjarðargangna og Melahverfis í dag. Er veginum til suðurs lokað og vegfarendum um suðurleið beint hjáleiðina um Akrafjallsveg.

Hvalfjarðargöng Slökkvilið Hvalfjarðarsveit

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.