Deild A2 er í austurhluta hússins og hafa nærliggjandi deildir einnig verið lokaðar af.Vísir/Vilhelm
Öll sýni sem tekin voru hjá íbúum og starfsfólki á hjúkrunarheimilinu Grund eftir að smit greindist hjá starfsmanni reyndust neikvæð.
Starfsmenn og heimilismenn á deild A2 voru sendir í skimun í gær eftir að starfsmaður deildarinnar greindist með Covid-19 á mánudag. Sá hafði síðast mætt til vinnu á fimmtudag.
Sigríður Sigurðardóttir, sviðsstjóri á fræðslu- og gæðasviði, segir niðurstöðuna vera mikinn létti. Ekki er talin ástæða til að senda fólkið í seinni skimun í ljósi þess hve langur tími leið frá því að fólkið átti samskipti við sýkta einstaklinginn.
Lokað var fyrir heimsóknir á deildum A1, A2 og A3 í austurhluta hjúkrunarheimilisins eftir að smitið kom upp. Þá var starfsfólk sett í svonefnda sóttkví C og gert að halda sig heima þegar það var ekki í vinnu.
Fulltrúar almannavarna munu funda með forsvarsmönnum allra hjúkrunarheimila í dag til að ræða viðbrögð þeirra vegna fjölgunar kórónuveirusmita síðustu daga.
Starfsmaður á hjúkrunarheimilinu Grund í Reykjavík greindist með Covid-19 í gær. Sá starfar á deild A2 og var síðast í vinnu á fimmtudag. Búið er að taka sýni úr íbúum á deildinni og starfsfólki á sömu vakt. Vonast er til að niðurstöður fáist úr skimuninni síðar í dag eða í fyrramálið.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
