Fjöldi ónauðsynlegra aðgerða þar á meðal á tveggja ára barni Nadine Guðrún Yaghi skrifar 8. júlí 2021 10:43 Læknirinn starfaði á Handlæknastöðinni í Glæsibæ. VÍSIR/ARNAR Heilbrigðisráðuneytið hefur staðfest ákvörðun embættis landlæknis um að svipta háls, nef- og eyrnalækni starfsleyfi sem læknir fyrir að gera ónauðsynlegar skurðaðgerðir. Læknirinn framkvæmdi að mati óháðra sérfræðinga tólf ónauðsynlegar aðgerðir, þar á meðal á tveggja ára barni. Hann er talinn hafa stefnt sjúklingum í hættu. Greint var frá málinu í kvöldfréttum Stöðvar 2 í gær. Upp komst um málið í lok árs 2019 eftir að embætti landlæknis fékk ábendingu um vafasama starfshætti háls, nef- og eyrnalæknis sem starfaði á Handlæknastöðinni í Glæsibæ. Grunur var um að læknirinn væri ekki að beita ásættanlegri læknisfræði í aðgerðum sínum og að hann væri að framkvæma ónauðsynlegar aðgerðir, bæði á börnum og fullorðnu fólki. Þá hófst umfangsmikil rannsókn embættis landlæknis þar sem aðgerðir læknisins á nokkurra mánaða tímabili voru skoðaðar. Tugir aðgerða voru til rannsóknar og var niðurstaðan sú að margar þeirra hafi verið ónauðsynlegar eða að óeðlilegum aðferðum hafi verið beitt við framkvæmd þeirra. Læknirinn var þá sviptur starfsleyfi í kjölfarið en hann kærði þá ákvörðun til heilbrigðisráðuneytisins. Settur í bann á skurðstofu og hélt því leyndu Í úrskurði heilbrigðisráðuneytisins, sem birtur var í morgun, segir að rannsókn embættis landlæknis megi rekja til ábendinga, sem landlækni bárust frá sérfræðingum sem stöfuðu með lækninum, um að læknirinn hefði haldið því leyndu fyrir Handlæknastöðinni að hann hefði verið settur í bann við skurðstofuvinnu á ótilgreindri sjúkrastofnun í kjölfar veikinda. Þá hafi ábendingarnar varðað hugsanleg brot gegn starfsskyldum með því að hafa framkvæmt aðgerðir án viðurkenndra ábendinga, skráð aðgerðir á rangan og villan hátt og þannig gefið út rangar og villandi upplýsingar sem undirlag reikninga hjá Sjúkratryggingum Íslands. Stefndi lífi sjúklinga í hættu Læknirinn var boðaður á fund hjá embætti landlæknis þann 5. desember 2019 þar sem hann afsalaði læknaleyfi sínu. Í úrskurði heilbrigðisráðuneytisins kemur fram að embætti landlæknis hafi þá óskað eftir mati tveggja sérfræðinga á faglegum starfsháttum hans. Niðurstaða landlæknis hafi verið að læknirinn hefði framkvæmt ónauðsynlegar aðgerðir og stefnt sjúklingum þannig í hættu. Einnig lægi fyrir að reikningar sem hann hefði gefið út í umræddum tilvikum hefðu verið rangir. Í úrskurði heilbrigðisráðuneytisins kemur fram að óháðu sérfræðingarnir hafi skoðað 53 aðgerðir á tímabilinu 1. september 2019 til 30. nóvember sama ár, eða um fjórðung af aðgerðum læknisins á tímabilinu. Aðrir hefðu ekki framkvæmt aðgerð undir sömu kringumstæðum Í skýrslu sérfræðinganna hafi komið fram að ekki hafi fundist ábending fyrir tólf tilvikum og erfitt sé að sjá að einhver annað hefði ákveðið að gera aðgerð undir þessum kringumstæðum. Það hafi einnig verið mat skýrsluhöfunda að læknirinn hafi framkvæmt ákveða aðgerð óeðlilega oft. Þær hafi verið 38 á framangreindu tímabili á meðan aðrir læknar á Handlæknastöðinni hafi gert núll til tvær aðgerðir. 15 ára stúlka og tveggja ára barn í ónauðsynlega aðgerð Þá kemur fram að sérfræðingunum hafi þótt alvarlegast að ábending hafi ekki verið í tólf tilvikum, þar á meðal hafi verið 15 ára stúlka og í öðru tilfelli hafi verið gerð aðgerð á tveggja ára barni sem hafi verið sérstaklega ámælisvert að mati sérfræðinganna. Sem fyrr segir starfaði læknirinn á Handlæknastöðinni í Glæsibæ og hafði gert í mörg ár. Úlfar Þórðarson, framkvæmdastjóri, neitaði fréttastofu um viðtal vegna málsins í gær og sagðist ekki geta tjáð sig um mál einstakra lækna. Heilbrigðismál Landspítalinn Læknir sviptur leyfi vegna ónauðsynlegra aðgerða Mest lesið Ferðamaður réðst á leiðsögukonu: „Ísland hefur brugðist mér“ Innlent Drónaútgerð?: Þingmaður hefur áhyggjur af rússneskum skipum við Færeyjar Erlent „Við þurfum ekki öll að fara á sjúkrahús“ Innlent Musk, Thiel og Andrés nefndir í nýjum skjölum Epsteins Erlent Ætlar að peppa herforingjana á fundinum fordæmalausa Erlent Ræningjar fjölmenntu með byssur og haka í skartgripabúð Erlent Ýmsar aðferðir til að ná niður drónum Innlent Verjandi Matthíasar hnýtir í dóminn Innlent „Við viljum bara finna fyrir öryggi“ Innlent Vilja RÚV af auglýsingamarkaði Innlent Fleiri fréttir Afplána líklegast í fjögur til fimm ár á Litla Hrauni Þungir dómar ekki óvæntir og fyrsti vistvangur landsins Ferðamaður réðst á leiðsögukonu: „Ísland hefur brugðist mér“ Byrjað að moka í Hringveginn en talsverð vinna framundan Tíu gistu í fangageymslu og þar af tveir „peruölvaðir“ „Við þurfum ekki öll að fara á sjúkrahús“ Vilja RÚV af auglýsingamarkaði Ýmsar aðferðir til að ná niður drónum Jónína vill taka við af Ásmundi Einari „Við viljum bara finna fyrir öryggi“ Gerður sveitarstjóri Þingeyjarsveitar Þungur dagur, myndir frá óveðrinu og ítrekuð innbrot Verjandi Matthíasar hnýtir í dóminn Anna ljósa fallin frá Ásmundur Einar segir skilið við stjórnmálin Bætir þrepi við greiðsluþátttökukerfið „Ég bý ekki einu sinni í Reykjavík“ Táningsstúlkur dæmdar fyrir að flytja inn efni sem var ekki bannað Ekki liðnir níu dagar þegar það var aftur brotist inn Þungir dómar í Gufunesmálinu: „Það eru ekki alltaf jólin“ Dómsuppkvaðning í Gufunesmálinu og óveður í aðsigi Meirihluti íbúa ánægður með flutning stórtónleika á sunnudag Annar fulltrúa Framsóknar hættur í bæjarstjórn Kópavogs Vímuefnaneysla talin meginorsök banaslyss við Hraunsnef Vaktin: Stefán og Lúkas dæmdir í 17 ára fangelsi Ekki búin að ákveða hvort þjóðaröryggisráð verði kallað saman „Ég hef aldrei séð svona mikið vatn í Jökulsá“ Grindavíkurgersemin Birna Óladóttir fallin frá Kristrún í pallborði með Starmer, Carney og Albanese Hringvegurinn í sundur vegna vatnavaxta Sjá meira
Greint var frá málinu í kvöldfréttum Stöðvar 2 í gær. Upp komst um málið í lok árs 2019 eftir að embætti landlæknis fékk ábendingu um vafasama starfshætti háls, nef- og eyrnalæknis sem starfaði á Handlæknastöðinni í Glæsibæ. Grunur var um að læknirinn væri ekki að beita ásættanlegri læknisfræði í aðgerðum sínum og að hann væri að framkvæma ónauðsynlegar aðgerðir, bæði á börnum og fullorðnu fólki. Þá hófst umfangsmikil rannsókn embættis landlæknis þar sem aðgerðir læknisins á nokkurra mánaða tímabili voru skoðaðar. Tugir aðgerða voru til rannsóknar og var niðurstaðan sú að margar þeirra hafi verið ónauðsynlegar eða að óeðlilegum aðferðum hafi verið beitt við framkvæmd þeirra. Læknirinn var þá sviptur starfsleyfi í kjölfarið en hann kærði þá ákvörðun til heilbrigðisráðuneytisins. Settur í bann á skurðstofu og hélt því leyndu Í úrskurði heilbrigðisráðuneytisins, sem birtur var í morgun, segir að rannsókn embættis landlæknis megi rekja til ábendinga, sem landlækni bárust frá sérfræðingum sem stöfuðu með lækninum, um að læknirinn hefði haldið því leyndu fyrir Handlæknastöðinni að hann hefði verið settur í bann við skurðstofuvinnu á ótilgreindri sjúkrastofnun í kjölfar veikinda. Þá hafi ábendingarnar varðað hugsanleg brot gegn starfsskyldum með því að hafa framkvæmt aðgerðir án viðurkenndra ábendinga, skráð aðgerðir á rangan og villan hátt og þannig gefið út rangar og villandi upplýsingar sem undirlag reikninga hjá Sjúkratryggingum Íslands. Stefndi lífi sjúklinga í hættu Læknirinn var boðaður á fund hjá embætti landlæknis þann 5. desember 2019 þar sem hann afsalaði læknaleyfi sínu. Í úrskurði heilbrigðisráðuneytisins kemur fram að embætti landlæknis hafi þá óskað eftir mati tveggja sérfræðinga á faglegum starfsháttum hans. Niðurstaða landlæknis hafi verið að læknirinn hefði framkvæmt ónauðsynlegar aðgerðir og stefnt sjúklingum þannig í hættu. Einnig lægi fyrir að reikningar sem hann hefði gefið út í umræddum tilvikum hefðu verið rangir. Í úrskurði heilbrigðisráðuneytisins kemur fram að óháðu sérfræðingarnir hafi skoðað 53 aðgerðir á tímabilinu 1. september 2019 til 30. nóvember sama ár, eða um fjórðung af aðgerðum læknisins á tímabilinu. Aðrir hefðu ekki framkvæmt aðgerð undir sömu kringumstæðum Í skýrslu sérfræðinganna hafi komið fram að ekki hafi fundist ábending fyrir tólf tilvikum og erfitt sé að sjá að einhver annað hefði ákveðið að gera aðgerð undir þessum kringumstæðum. Það hafi einnig verið mat skýrsluhöfunda að læknirinn hafi framkvæmt ákveða aðgerð óeðlilega oft. Þær hafi verið 38 á framangreindu tímabili á meðan aðrir læknar á Handlæknastöðinni hafi gert núll til tvær aðgerðir. 15 ára stúlka og tveggja ára barn í ónauðsynlega aðgerð Þá kemur fram að sérfræðingunum hafi þótt alvarlegast að ábending hafi ekki verið í tólf tilvikum, þar á meðal hafi verið 15 ára stúlka og í öðru tilfelli hafi verið gerð aðgerð á tveggja ára barni sem hafi verið sérstaklega ámælisvert að mati sérfræðinganna. Sem fyrr segir starfaði læknirinn á Handlæknastöðinni í Glæsibæ og hafði gert í mörg ár. Úlfar Þórðarson, framkvæmdastjóri, neitaði fréttastofu um viðtal vegna málsins í gær og sagðist ekki geta tjáð sig um mál einstakra lækna.
Heilbrigðismál Landspítalinn Læknir sviptur leyfi vegna ónauðsynlegra aðgerða Mest lesið Ferðamaður réðst á leiðsögukonu: „Ísland hefur brugðist mér“ Innlent Drónaútgerð?: Þingmaður hefur áhyggjur af rússneskum skipum við Færeyjar Erlent „Við þurfum ekki öll að fara á sjúkrahús“ Innlent Musk, Thiel og Andrés nefndir í nýjum skjölum Epsteins Erlent Ætlar að peppa herforingjana á fundinum fordæmalausa Erlent Ræningjar fjölmenntu með byssur og haka í skartgripabúð Erlent Ýmsar aðferðir til að ná niður drónum Innlent Verjandi Matthíasar hnýtir í dóminn Innlent „Við viljum bara finna fyrir öryggi“ Innlent Vilja RÚV af auglýsingamarkaði Innlent Fleiri fréttir Afplána líklegast í fjögur til fimm ár á Litla Hrauni Þungir dómar ekki óvæntir og fyrsti vistvangur landsins Ferðamaður réðst á leiðsögukonu: „Ísland hefur brugðist mér“ Byrjað að moka í Hringveginn en talsverð vinna framundan Tíu gistu í fangageymslu og þar af tveir „peruölvaðir“ „Við þurfum ekki öll að fara á sjúkrahús“ Vilja RÚV af auglýsingamarkaði Ýmsar aðferðir til að ná niður drónum Jónína vill taka við af Ásmundi Einari „Við viljum bara finna fyrir öryggi“ Gerður sveitarstjóri Þingeyjarsveitar Þungur dagur, myndir frá óveðrinu og ítrekuð innbrot Verjandi Matthíasar hnýtir í dóminn Anna ljósa fallin frá Ásmundur Einar segir skilið við stjórnmálin Bætir þrepi við greiðsluþátttökukerfið „Ég bý ekki einu sinni í Reykjavík“ Táningsstúlkur dæmdar fyrir að flytja inn efni sem var ekki bannað Ekki liðnir níu dagar þegar það var aftur brotist inn Þungir dómar í Gufunesmálinu: „Það eru ekki alltaf jólin“ Dómsuppkvaðning í Gufunesmálinu og óveður í aðsigi Meirihluti íbúa ánægður með flutning stórtónleika á sunnudag Annar fulltrúa Framsóknar hættur í bæjarstjórn Kópavogs Vímuefnaneysla talin meginorsök banaslyss við Hraunsnef Vaktin: Stefán og Lúkas dæmdir í 17 ára fangelsi Ekki búin að ákveða hvort þjóðaröryggisráð verði kallað saman „Ég hef aldrei séð svona mikið vatn í Jökulsá“ Grindavíkurgersemin Birna Óladóttir fallin frá Kristrún í pallborði með Starmer, Carney og Albanese Hringvegurinn í sundur vegna vatnavaxta Sjá meira