Íslenski boltinn

Segir upp eftir 7-0 tap

Valur Páll Eiríksson skrifar
Gunnar þegar hann skrifaði undir hjá Víkingum í nóvember í fyrra.
Gunnar þegar hann skrifaði undir hjá Víkingum í nóvember í fyrra. mynd/umfvíkingur

Gunnar Einarsson hefur sagt upp störfum sem þjálfari Víkings frá Ólafsvík í Lengjudeild karla eftir strembið gengi liðsins í sumar. Ólsarar sendu frá sér tilkynningu þess efnis í kvöld.

Víkingar hafa átt afleitu gengi að fagna í sumar og eiga enn eftir að vinna leik. Þá hefur aðeins eitt jafntefli náðst og eru Víkingar með eitt stig á botni deildarinnar, sjö stigum frá öruggu sæti.

Gunnar ákvað því að segja upp störfum í dag eftir því sem fram kemur í tilkynningu Víkings.

Ég er þakklátur fyrir tækifærið sem ég fékk hjá Ólsurum og ég hef óbilandi trú á því að leikmenn og aðrir sem að liðinu koma muni snúa gengi liðsins við, er haft eftir Gunnari í yfirlýsingunni.

Víkingar náðu í sitt eina stig í 2-2 jafntefli við Þór frá Akureyri í byrjun júní. Víkingar töpuðu hins vegar 7-0 fyrir Þrótti Reykjavík í gær, sem knúði Gunnar til þess að segja sig frá verkefninu.

Gunnar tók við liðinu fyrir yfirstandandi leiktíð eftir að hafa stýrt Kára á Akranesi 2. deild í fyrra. Áður þjálfari Gunnar Leikni í Reykjavík og yngri flokka hjá Val.




Fleiri fréttir

Sjá meira


×