Aðdáendur erlendra sjónvarpsþátta og kvikmynda dæmdir til dauða Hólmfríður Gísladóttir skrifar 7. júní 2021 09:53 Kim Jong-un freistar þess að stjórna því hvaða upplýsingar íbúar landsins hafa aðgang að, ekki síst til að tryggja eigin stöðu. AP „Ég á sterkar minningar af manninum sem var með bundið fyrir augun; ég get enn séð tárin hans streyma. Þetta var trámatískt fyrir mig. Augnbindið var gjörsamlega gegnsósa í tárum hans.“ Þannig lýsir Yoon Mi-so því þegar hún sá mann tekinn af lífi í fyrsta sinn. Hún var ellefu ára og maðurinn hafði verið handtekinn fyrir að hafa verið með suðurkóreskt drama í fórum sínum. Allir íbúar í nágrenninu voru neyddir til að horfa á aftökuna. Ef þú gerðir það ekki, áttir þú það á hættu að verða handtekinn fyrir landráð, útskýrir Yoon. Norðurkóresku hermennirnir vildu gera öllum ljóst hver viðurlögin væru við því að eiga ólöglegt erlent efni. „Þeir komu honum fyrir upp við staur og bundu hann og skutu hann svo.“ „Hættulegt eitur“ Stjórnvöld í Norður-Kóreu hafa lagt mikið upp úr því að haga allri miðlun með þeim hætti að íbúar landsins fái aðeins þær upplýsingar sem þau vilja koma á framfæri. Þau stýra netnotkun, það eru engir samfélagsmiðlar og aðeins örfáir fréttamiðlar sem stýrt er af ríkinu. Og nú hafa verið kynnt til sögunnar ný lög sem kveða á um að allir þeir sem gripnir eru með mikið magn sjónvarpsefnis frá Suður-Kóreu, Japan eða Bandaríkjunum séu dæmdir til dauða. Þeir sem verða uppvísir að því að hafa horft á slíkt efni eiga yfir höfði sér 15 ára vist í þrælkunarbúðum. Norðurkóresk stjórnvöld eru sögð óttast ólgu innanlands en ástandið er sagt sérstaklega slæmt um þessar mundir og margir svelta.epa Leiðtoginn Kim Jong-un hefur einnig lýst því yfir að utanaðkomandi áhrif á borð við erlend tungumál og tísku séu „hættulegt eitur“ og segir þörf á því að taka á and-sósíalískri hegðun ungs fólks. Daily NK, netmiðill sem starfræktur er í Seúl, segir þrjá táninga hafa verið senda í „endurmenntunarbúðir“ fyrir að hafa látið klippa hár sitt til að herma eftir poppstjörnum og vera í buxum sem ná ekki niður fyrir ökkla. BBC segist þó ekki hafa getað staðfest sannleiksgildi fréttarinnar. Freista þess að temja unga fólkið Sérfræðingar segja lögin enn eitt skrefið í áttina að því að takmarka algjörlega þær upplýsingar sem íbúar Norður-Kóreu fá utan frá, ekki síst vegna þess ófremdarástands sem ríki innanlands. Talið er að milljónir séu hungraðar og Kim er sagður vilja tryggja að íbúar nærist frekar á áróðri stjórnvalda en innsýn inn í það hvernig lífið er annars staðar. Ritstjóri Daily NK segir í samtali við BBC að í nýju lögunum sé lögð áhersla á gagnkvæmt eftirlit borgara; þannig sé kveðið á um að ef starfsmaður er gripinn megi einnig refsa yfirmanni hans og að refsa megi foreldrum fyrir brot barna þeirra. Lee Sang Yong segir lögunum ætlað að „sundra“ draumum og hrifningu yngra fólks af lífinu sunnan landamæranna. Stjórnvöld hafi komst að þeirri niðurstöðu að erlend áhrif gætu leitt til uppreisnar. Samkvæmt heimildarmönnum BBC hefur erlent efni verið bannað um margra ára skeið en það hefur ekki komið í veg fyrir að það hafi farið í dreifingu. Íbúar hafa leitað leiða til að deila því hættulaust, meðal annars á dulkóðuðum USB-lyklum. Einn segir viðurlög hafa verið hert eftir að herinn gerði 20 þúsund diska upptæka í háskóla árið 2002. „Þetta var einn háskóli. Getur þú ímyndað þér hvað diskarnir voru margir út um allt land? Stjórnvöld voru í sjokki.“ BBC fjallar ítarlega um málið. Norður-Kórea Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íslendingur í gæsluvarðhaldi vegna Hamraborgarmálsins Innlent „Það er norskur sigur í dag“ Innlent Halla vill skikka ungmenni í samfélagsþjónustu Innlent Betra að fá óþægilegu málin fram fyrr en seinna Innlent Búinn að skila inn undirskriftum eftir „óvenjulegan“ frest Innlent Hundruð lögreglumanna í viðbragðsstöðu vegna mótmæla í UCLA Erlent Eldur í ruslageymslu í Hafnarfirði Innlent Hafa engin varnarvirki til að hörfa í Erlent Friðrik skipaður sendiherra í Póllandi Innlent Icelandair flýgur til Færeyja að nýju Innlent Fleiri fréttir Vornanen kastað úr þingflokknum Hafa engin varnarvirki til að hörfa í Yfirstandandi kosningar á Englandi prófsteinn fyrir Íhaldsflokkinn Viðbrögð Hamas við vopnahléstillögunum „neikvæð“ Hundruð lögreglumanna í viðbragðsstöðu vegna mótmæla í UCLA Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Þrettán ára drengur stunginn til bana með sverði Særði minnst fimm með sverði í Lundúnum Íslendingur sem lúbarði lögreglumenn í Varsjá þarf að borga brúsann Fjórir lögreglumenn skotnir til bana í Charlotte Rostungur sem fannst í fyrra drapst af völdum fuglaflensu Hvetur Hamas til að ganga að rausnarlegum tillögum Ísrael Flugvöllur Færeyinga fær að taka við stærri þotum Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Tveir látnir eftir að bíll hafnaði í sjónum við Stokkhólm Fjölmenn mótmæli vegna ofbeldisbylgju í Ástralíu Vasaúr ríkasta manns Titanic seldist á 210 milljónir Þúsundir hvöttu Sánchez til að segja ekki af sér Skoða að færa Mónu Lísu í eigið herbergi Harvey Weinstein lagður inn á spítala Þingmaður hleypti af skoti fyrir utan skemmtistað Rýma dómshús vegna sprengjuhótunar Sjá meira
Þannig lýsir Yoon Mi-so því þegar hún sá mann tekinn af lífi í fyrsta sinn. Hún var ellefu ára og maðurinn hafði verið handtekinn fyrir að hafa verið með suðurkóreskt drama í fórum sínum. Allir íbúar í nágrenninu voru neyddir til að horfa á aftökuna. Ef þú gerðir það ekki, áttir þú það á hættu að verða handtekinn fyrir landráð, útskýrir Yoon. Norðurkóresku hermennirnir vildu gera öllum ljóst hver viðurlögin væru við því að eiga ólöglegt erlent efni. „Þeir komu honum fyrir upp við staur og bundu hann og skutu hann svo.“ „Hættulegt eitur“ Stjórnvöld í Norður-Kóreu hafa lagt mikið upp úr því að haga allri miðlun með þeim hætti að íbúar landsins fái aðeins þær upplýsingar sem þau vilja koma á framfæri. Þau stýra netnotkun, það eru engir samfélagsmiðlar og aðeins örfáir fréttamiðlar sem stýrt er af ríkinu. Og nú hafa verið kynnt til sögunnar ný lög sem kveða á um að allir þeir sem gripnir eru með mikið magn sjónvarpsefnis frá Suður-Kóreu, Japan eða Bandaríkjunum séu dæmdir til dauða. Þeir sem verða uppvísir að því að hafa horft á slíkt efni eiga yfir höfði sér 15 ára vist í þrælkunarbúðum. Norðurkóresk stjórnvöld eru sögð óttast ólgu innanlands en ástandið er sagt sérstaklega slæmt um þessar mundir og margir svelta.epa Leiðtoginn Kim Jong-un hefur einnig lýst því yfir að utanaðkomandi áhrif á borð við erlend tungumál og tísku séu „hættulegt eitur“ og segir þörf á því að taka á and-sósíalískri hegðun ungs fólks. Daily NK, netmiðill sem starfræktur er í Seúl, segir þrjá táninga hafa verið senda í „endurmenntunarbúðir“ fyrir að hafa látið klippa hár sitt til að herma eftir poppstjörnum og vera í buxum sem ná ekki niður fyrir ökkla. BBC segist þó ekki hafa getað staðfest sannleiksgildi fréttarinnar. Freista þess að temja unga fólkið Sérfræðingar segja lögin enn eitt skrefið í áttina að því að takmarka algjörlega þær upplýsingar sem íbúar Norður-Kóreu fá utan frá, ekki síst vegna þess ófremdarástands sem ríki innanlands. Talið er að milljónir séu hungraðar og Kim er sagður vilja tryggja að íbúar nærist frekar á áróðri stjórnvalda en innsýn inn í það hvernig lífið er annars staðar. Ritstjóri Daily NK segir í samtali við BBC að í nýju lögunum sé lögð áhersla á gagnkvæmt eftirlit borgara; þannig sé kveðið á um að ef starfsmaður er gripinn megi einnig refsa yfirmanni hans og að refsa megi foreldrum fyrir brot barna þeirra. Lee Sang Yong segir lögunum ætlað að „sundra“ draumum og hrifningu yngra fólks af lífinu sunnan landamæranna. Stjórnvöld hafi komst að þeirri niðurstöðu að erlend áhrif gætu leitt til uppreisnar. Samkvæmt heimildarmönnum BBC hefur erlent efni verið bannað um margra ára skeið en það hefur ekki komið í veg fyrir að það hafi farið í dreifingu. Íbúar hafa leitað leiða til að deila því hættulaust, meðal annars á dulkóðuðum USB-lyklum. Einn segir viðurlög hafa verið hert eftir að herinn gerði 20 þúsund diska upptæka í háskóla árið 2002. „Þetta var einn háskóli. Getur þú ímyndað þér hvað diskarnir voru margir út um allt land? Stjórnvöld voru í sjokki.“ BBC fjallar ítarlega um málið.
Norður-Kórea Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íslendingur í gæsluvarðhaldi vegna Hamraborgarmálsins Innlent „Það er norskur sigur í dag“ Innlent Halla vill skikka ungmenni í samfélagsþjónustu Innlent Betra að fá óþægilegu málin fram fyrr en seinna Innlent Búinn að skila inn undirskriftum eftir „óvenjulegan“ frest Innlent Hundruð lögreglumanna í viðbragðsstöðu vegna mótmæla í UCLA Erlent Eldur í ruslageymslu í Hafnarfirði Innlent Hafa engin varnarvirki til að hörfa í Erlent Friðrik skipaður sendiherra í Póllandi Innlent Icelandair flýgur til Færeyja að nýju Innlent Fleiri fréttir Vornanen kastað úr þingflokknum Hafa engin varnarvirki til að hörfa í Yfirstandandi kosningar á Englandi prófsteinn fyrir Íhaldsflokkinn Viðbrögð Hamas við vopnahléstillögunum „neikvæð“ Hundruð lögreglumanna í viðbragðsstöðu vegna mótmæla í UCLA Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Þrettán ára drengur stunginn til bana með sverði Særði minnst fimm með sverði í Lundúnum Íslendingur sem lúbarði lögreglumenn í Varsjá þarf að borga brúsann Fjórir lögreglumenn skotnir til bana í Charlotte Rostungur sem fannst í fyrra drapst af völdum fuglaflensu Hvetur Hamas til að ganga að rausnarlegum tillögum Ísrael Flugvöllur Færeyinga fær að taka við stærri þotum Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Tveir látnir eftir að bíll hafnaði í sjónum við Stokkhólm Fjölmenn mótmæli vegna ofbeldisbylgju í Ástralíu Vasaúr ríkasta manns Titanic seldist á 210 milljónir Þúsundir hvöttu Sánchez til að segja ekki af sér Skoða að færa Mónu Lísu í eigið herbergi Harvey Weinstein lagður inn á spítala Þingmaður hleypti af skoti fyrir utan skemmtistað Rýma dómshús vegna sprengjuhótunar Sjá meira