Innlent

Mannanafnanefnd samþykkir Gosa og Egilínu

Hólmfríður Gísladóttir skrifar
Nefndin samþykkti meðal annars eiginnöfnin Haron og Martel.
Nefndin samþykkti meðal annars eiginnöfnin Haron og Martel.

Mannanafnanefnd samþykkti á dögunum eiginnöfnin Gosi og Egilína. Þá geta foreldrar nú nefnt börn sín Haron og Martel, samkvæmt úrskurðum nefndarinnar.

Nefndin samþykkti einnig eiginnafnið Elizabeth sem rithátt nafnsins Elísabet og þá hlaut millinafnið Krossá blessun nefndinnar og sömuleiðis föðurkenningin Thorsdóttir.

Hinn 10. maí síðastliðinn hafnaði Mannnafnanefnd hins vegar millinafninu Aliverti, sem var hvorki sagt dregið af íslenskum orðstofni né hefði það unnið sér hefð í íslensku máli.

Um Elizabeth sagði nefndin að ritháttur nafnsins væri ekki í samræmi við almennar ritreglur íslensks máls, „þar sem bókstafurinn z er ekki í íslenska stafrófinu auk þess sem th kemur ekki fyrir í ósamsettum orðum í íslensku“.

Hins vegar var nafnið talið hafa unnið sér hefð í íslensku máli en sextán konur bæru nafnið í Þjóðskrá, auk þess sem það kæmi fyrir í að minnsta kosti tveimur manntölum frá 1703 til 1920.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.